اسلام آباد ۔ 7 اگست (اے پی پی) 15 ویں نویںمنتخب قومی اسمبلی دے استقبال سانگے پارلیمنٹ ہاﺅس اچ تیاریاں کوں چھیکڑی شکل ڈے ڈتی گی اے ۔ قومی اسمبلی سیکرٹریٹ دے سکیورٹی سٹاف اتے وی وی آئی پی ڈیوٹی تے مامور سارجنٹس کوں مستعد رہنڑ دی ہدایت کیتی گی اے ۔ ذرائع دے مطابق 25 جولائی دے الیکشن دے بعد منتخب تھیونڑ آلی 15 ویں قومی اسمبلی دی تقریب حلف برداری، نویں قائد ایوان، سپیکر اتے ڈپٹی سپیکر دے الیکشن دے مرحلے دی تکمیل سانگے قومی اسمبلی دے آندے متوقع اجلاس دیاں تیاریاں کوں چھیکڑی شکل ڈے ڈتی گی اے ۔ پارلیمنٹ دیاں راہداریاں دی خصوصی طورتے ازسرنو صفائی اتے تزئین و آرائش دا کم پوراکر گھدا گے ۔ پارلیمنٹ ہاﺅس دی عمارت اچ جتھاں ضرورت ہئی اتھاں رنگ روغن دی کم وی پورا کر گھدا گئے۔ قومی اسمبلی ہال دے ساﺅنڈ سسٹم دی ازسرنو چیکنگ کیتی گی تے ہال دے اندر حکومتی اتے اپوزیشن نشستاں دی چیکنگ دے بعد وی ضروری مرمت کیتی گی ۔
