اسلام آباد ۔ 8 اگست(اے پی پی)الیکشن کمیشن کامیاب امیدواراں دے نوٹیفکیشن اچ دیر دا تاثر مسترد کریندے ایکوں انتخابی قانون 2017ءدے منافی قرارڈتے۔الیکشن کمیشن اپنڑے وضاحتی بیان اچ آکھیے جو انتخابی قوانین دے تحت کامیاب امیدواراں کوں انتخابات دے 10 ڈینہہ دے اندرو اپنڑے انتخابی گوشوارے جمع کراونڑے ہوندن، ایں سانگے 4 اگست 2018ءاتے آزاد امیدواراں دے کہیں جماعت اچ رلنڑ کیتے 9 اگست دی تاریخ رکھی گئی ہئی جیندے بعد سیاسی جماعتاں کوں مخصوص نشستاں الات کیتان ویسن۔مخصوص نشستاں دا نوٹیفکیشن 11 اگست کوں جاری تھیسی تہوں اے آکھنڑ ٹھیک نئیں جو الیکشن کمیشن غیر ضروری دیر کریندا پئے۔
