اسلام آباد ۔ 10ستمبر (اے پی پی) سپیکر قومی اسمبلی اسد قیصر دی زیر صدارت انفارمیشن ٹیکنالوجی اتے ای گورنمنٹ بارے اجلا تھئے جیندے اچ سپیکر کوں قومی اسمبلی سیکرٹریٹ اچ انفارمیشن ٹیکنالوجی بورڈ اتے ای گورنمنٹ دیان سرگرمیاں بارے ڈسایا گئے جو قومی اسمبلی سیکرٹریٹ اچ ای گورنمنٹ دا اجرا تھی چکیے جتھاں سیکرٹریٹ افسران اتے عملے کوں ایں ٹیکنابوجی دی تر بیت وی ڈتی گئی اے۔ اسپیکراسد قیصر قومی اسمبلی سیکرٹریٹ اتے بورڈ حکام کوں ای گورنمنٹ تے کم تیز کرنڑ دی ہدایت کیتی اتے آکھیا جو ایندے نال کارکردگی کوں چنگا کر تے ویلھا وی بچایا ونج سگدے۔ انفارمیشن ٹیکنالوجی بورڈ دے افسران سپیکر کوں یقین ڈوایا جو قومی اسمبلی سیکرٹریٹ کوں جدید ٹیکنالوجی دے تقاضیاں نال ہم آہنگ بنڑاونڑ کیتے اقدامات کیتے ویسن۔