وزیراعظم عمران خان دی صدارت اچ ٹورازم ٹاسک فورس دا اجلاس

اسلام آباد ۔ 29 ستمبر (اے پی پی) وزیراعظم عمران خان آکھیے جو ملک اچ سیاحت دے فروغ سانگے تفصیلی اتے وڈی پالیسی بنرائی ویسی ،تاں جوع سیاحت نال جڑے ہوئے سارے شعبے ایں پالیسی توں فائدہ چا سگن اتے ایں شعبے کوں بیا مستحکم بنڑایا ونج جا سگے ، وزیراعظم ملک اچ سیاحت دے فروغ سانگے ٹاسک فورس دے سارے صوبائی نمائنداں کوں اپنڑے اپنڑے صوبیں اتے علاقیاں اچ نویں سیاحتی مراکز دے قیام دی غرض نال ممکنہ جئیں دی ہک ہفتے اچ نشاندہی کرنڑ دی ہدایت کیتی ہے ، صوبائی سطح تے سیاحت دے فروغ ا چ آونڑ آلیاں ساریاں رکاوٹاں دی نشاندہی کیتی ونجے تاں جو وفاق ولوں انہاں رکاوٹاں دا حل لبھنڑ کرنر سانگے مدد دتی ونج جا سگے ۔ وزیراعظم ایہ ہدایات ہفتہ کوں ٹورازم ٹاسک فورس دے اجلاس نال خطاب کریندے ہوئیں جاری کیتیاں۔ وزیراعظم اجلاس دی صدارت کیتی ۔ اجلاس اچ متعلقہ صوبائی وزیراں یاسر ہمایوں، محمد عاطف، عبدالخالق ہزارہ، وزیر سیاحت آزاد جموں تے کشمیرمشتاق منہاس،وفاقی تے صوبائی سیکریٹریز، علی توقیر شاہ، وقار زکریا، سراج الملک، ذوالفقار علی خان ا تے بئے شریک تھئے۔وزیرِ اعظم ٹاسک فورس اچ شامل سارے صوبائی نمائنداں کوں اپنڑے اپنڑے صوبیں اتے علاقیاں اچ نویں سیاحتی مراکز بنڑاونڑ دی غرض نال ممکنہ جئیں دی ہک ہفتے اچ نشاندہی کرنڑ دی ہدایت کیتی ۔وزیراعظم ہدایت کیتی جو آندے ہک ہفتے اچ ساریاں صوبائی حکومتاں اتے متعلقہ محکمے بشمول آزاد جموں کشمیراتے گلت بلتستان ٹاسک فورس دے ٹرمز آف ریفرنس کوں مدنظر رکھ تے ہک چنگاپلان اتے مقرر کیتے گئے ہدف سانگے ٹائم فریم بنڑاونڑ۔ وزیراعظم آکھیے جو صوبائی سطح تے سیاحت دے فروغ اچ آونڑ آلیاں ساریاں رکاوٹاں دی نشاندہی کیتی ونجے ،تاں جو وفاق ولوں انہاں داحل کڈھنڑ اچ مدد کیتی ونج جا سگے۔وزیرِ اعظم آکھیا جوسیاحت دا فروغ صوبائی ذمہ داری ہے تاں جووفاقی حکومت سیاحت دے فروغ اچ آونڑ آلیاں رکاوٹاں دور کرنڑ اتے صوبیں دی استعداد ودھاونڑ اچ ہر ممکن مدد کریسی ۔وزیراعظم عمران خان آکھیا جو ایکو ٹورازم، مذہبی سیاحت اتے مہم جویانہ سیاحت دے ودھارے دے نال نال ٹورارسٹ ریزارٹس بنراونڑ تے وی خصوصی توجہ ڈیونڑ دی ضرورت ہے، سیاحت دے فروغ سانگے ہک وڈی اتے تفصیلی پالیسی بنرائی ویسی،سیاحت نال جڑے ہوئے سارے شعبے ایں پالیسی توں فائدے چیسن اتے شعبے کوں بیا مستحکم بنڑایا ونج جا سگسی۔ وزیراعظم آکھیے جو ملک اچ موجود سرکاری ریسٹ ہاوسزداانتظام شفاف اتے پہلے توں طے شدہ طریقہ کار نال نجی شعبے دے حوالے کرنڑ نال جتھاں سیاحت کوں فروغ ملسی اتھاں انہاں اثاثیاں داٹھیک استعمال وی یقینی بنڑایا ونج جا سگسی ۔ انہاں آکھیے جو ملک اچ سینکڑاں سیاحتی جئیں خصوصاً شمالی علاقیاں، ساحلی علاقیاں، مذہبی جئیں، موہنجو داڑو ورگی تریخی جئیں اتے توجہ ڈیونڑ نال ملک دے لکھاں نوجواناں کوں روزگار ملسی۔ وزیراعظم آکھیے جوجدید ٹیکنالوجی اتے خصوصاً سوشل میڈیا کوں استعمال کر تے ملک دی سیاحتی استعداد کوں باآسانی سارے ملک اتے عالمی سطح تے اجاگر کیتا ونج جا سگدے ۔ اجلاس اچ صوبائی وزیراں صوبائی حکومتاں ولوں سیاحت سانگے کیتے گئے اقدامات بارے وزیر اعظم کوں بریفنگ وی ڈتی۔