لاہور ۔ 23 ستمبر (اے پی پی) وزیر اعظم عمران خان دے زیر صدارت لاہور اچ بلدیاتی نظام بارے ہک اعلیٰ سطح اجلاس تھئے جیندے اچ گورنر پنجاب ، گورنر خیبر پختونخواہ ، وزیر اعلی پنجاب عثمان بزدار، وزیر اطلاعات چوہدری فواد حسین اتے پارٹی د ی سینئر قیادت شریک تھئی۔ اجلاس نال خطاب اچ وزیراعظم عمران خان دا آکھنڑ ہا جو اختیارات دی نچلی سطح تے منتقلی دا مقصد عوام کوں بااختیار بنڑاونڑاتے اسٹیٹس کومکاونڑ اے، ایندے نال عوامی نمائندیاں کوں بلیک میل نہ کیتا ونج سگسی،عوام دے وی کم تھیسن۔اجلاس اچ بلدیاتی نظام اچ تبدیلی اتے اصلاحواں دے حوالے نال تجویزاں اتے اقدامات سانگے حکمت عملی تے غور کیتا گئے۔ ایں موقع تے عمران خان دا آکھنڑہا جونویں نظام دی بنیاد جمہوری اقدارتے رکھی ویسی جیندے اچ گورننس اتے شفافیت یقینی بنڑائی ویسی۔ انہاں دا آکھنڑ ہا جو اختیارات دی نچلی سطح تے منتقلی دا مقصد عوام کوں بااختیار بنڑاونڑاتے اسٹیٹس کومکاونڑ اے، ایندے نال عوامی نمائندیاں کوں بلیک میل نہ کیتا ونج سگسی تاں جو عوام دے چنگے کم کیتے ونج سگن۔ انہاں متعلقہ حکام کوں ہدایت کیتی جو لوکل باڈیز نظام کوں آندے 48 گھنٹے اچ حتمی شکل ڈتی ونجے۔