وفاقی وزیر اطلاعات و نشریات ”بوٹا لاﺅ پاکستان کیتے “ مہم دے سلسلے اچ پی ٹی وی ہیڈ کوارٹرز اچ بوٹا لایا

اسلام آباد ۔ 2 ستمبر (اے پی پی) وفاقی وزیر اطلاعات و نشریات چوہدری فواد حسین اتوار کوں ”بوٹا لاﺅ پاکستان کیتے “ مہم دے سلسلے اچ پی ٹی وی ہیڈ کوارٹرز اچ بوٹا لایا۔ ایں موقعے تے میڈیا نال گالھ مہاڑکریندے ہوئیں وزیر اطلاعات آکھیا جو پاکستان انہاں ملکاں اچ شامل ہے جنہاں جنگلات کوں شدید نقصان پجایا ہے ، اساڈے کولوں درخت مُک گئے ہن ۔ انہاں آکھیا جو پاکستان تحریک انصاف خیبرپختونخوا اچ گزریل 5سالیں اچ بلین ٹری سونامی منصوبہ شروع کیتا ہئی اتے ایں منصوبے دے تحت ہک ارب بوٹے لائے گن ، ہنڑ اساڈا آندے پنج سالیں اچ 10ارب بوٹے لاونڑ دا ہد ف ہے ۔