وفاقی وزیر زبیدہ جلال نال ازبکستان دے سفیر دی ملاقات

اسلام آباد ۔ 12ستمبر (اے پی پی)وفاقی وزیر دفاعی پیداوار زبیدہ جلال نال پاکستان اچ ازبکستان دے سفیر فرقت صدےقوو دفاعی اتاشی لیفٹیننٹ کرنل سعد اللہ تشماتوو دے نال ملاقات کیتی۔وفاقی وزیرپاکستان اتے ازبکستان دے چنگے تعلقات دی تعریف کریندے آکھیے جو ڈوہاں ملکاں دا گانڈھا احترام اتے اعتماددا ہے۔ ڈوہاں رہنماواں مشترکہ پیداواردے منصوبیاں اچ تعاون ودھاونڑ تے زور ڈتا۔ازبکستان دےے سفیرآکھیا جو پاکستان وسائل نال مالا مال ملک اے جیندے اچ ہک متحرک معےشت اتے مزید ترقی کیتے بہوں صلاحیتاں ہین۔وفاقی وزیر شنگھائی تعاون تنظیم دی مکمل رکنیت کیتے ازبکستان دی مکمل حمایت دا شکریہ ادا کیتا۔