ملک اچ امن و امان حکومت دی پہلی ترجیح اے،امن و امان اتے استحکام دے بغیر ملک دی اقتصادی صلاحیت توں فائدہ نی چاتا ونج سگدا،کراچی پاکستان دا معاشی مرکز اے،وفاقی حکومت صوبے اچ امن و امان برقراررکھنڑ سانگے صوبائی حکومت نا ل پورا تعاون کریسی،وزیراعظم عمران خان دا صوبہ سندھ خصوصی طور کراچی اچ امن و امان دی صورتحال دے جائزہ اعلیٰ سطح دے اجلاس توں خطاب
اسلام آباد ۔ 16ستمبر (اے پی پی)وزیراعظم عمران خان آکھیا جو ملک اچ امن و امان حکومت دی پہلی ترجیح اے،امن و امان اتے استحکام دے بغیر ملک دی اقتصادی صلاحیت توں فائدہ نی چاتا ونج سگدا،کراچی پاکستان دا معاشی مرکز اے،وفاقی حکومت صوبے اچ امن و امان برقراررکھنڑ سانگے صوبائی حکومت نا ل پورا تعاون کریسی۔اتوار کوں زیراعظم عمران خان دا صوبہ سندھ خصوصی طور کراچی اچ امن و امان دی صورتحال دے جائزہ اعلیٰ سطح دے اجلاس توں خطاب کریندیں ہوئیں آکھی۔اجلاس اچ گورنر سندھ عمران اسماعیل، وزیر اعلیٰ سید مراد علی شاہ، کمانڈر 5 کور لیفٹیننٹ جنرل ہمایوں عزیز، چیف سیکرٹری سندھ میجر (ر) اعظم سلیمان خان، کمشنر کراچی محمد صالحق فاروقی، ڈی جی رینجرز میجر جنرل محمد سعید، آئی جی سندھ ڈاکٹر سید کلیم امام، سیکرٹری داخلہ سندھ عبدالقادر قاضی دے علاوہ اعلیٰ حکام شریک تھیے۔اجلاس کوں آئی جی سندھ امن و امان بارے بریفنگ ڈتی۔ ڈی جی رینجرز ’ کراچی آپریشن اچ رینجرز دے کردار اتے قتل دی دھمکیاں بارے بریفنگ ڈتی۔اجلاس کوں ڈسیاگئیا جو کراچی اپریشن نال جرائم دی شرح اچ 90فیصد گھٹکی تھئی اے۔
