اسلامی تعاون تنظیم دااسلام اتے مقدس شخصیات دا احترام کرنڑ دا مطالبہ او آئی سی دے وزراءخارجہ دی اسلام ، مذہبی شخصیات اتے اسلامی اقدار تے گستاخانہ حملیاں اتے ایندے نال رلدے ملدے اقدامات دی مذمت او آئی سی دے وزراءخارجہ دی پاکستان اتے ترکی ولوں پیش کیتی گئی قراردادں دی پر زور حمایت

APP12-17 ISLAMABAD: August 20 – Foreign Minister Makhdoom Shah Mehmood Qureshi talking media persons after assumed the office at Foreign Ministry. APP photo by Javed Qureshi

اقوام متحدہ ۔ 29 ستمبر (اے پی پی) اسلامی تعاون تنظیم (او آئی سی) اسلام اتے مقدس شخصیات دااحترام کرنڑ دا مطالبہ کیتے ۔ او آئی سی دے وزراءخارجہ اسلام ، مذہبی شخصیات اتے اسلامی اقدار تے حملیاں اتے ایندے نال رلدے ملدے اقدامات دی مذمت کریندے ہوئیں پاکستان اتے ترکی ولوں پیش کیتی گئی قرارداد دی پر زور حمایت کریندے ہوئیں گستاخانہ حملیاں اتے رلدے ملتے اقدامات کوں مکاونڑتے زور ڈتے۔ گزریل ڈینھ اقوام متحدہ دی جنرل اسمبلی دے نیویارک اچ منعقدہ73 ویں اجلاس دے موقع تے او آئی سی دے وزراءخارجہ دے اجلاس نال خطاب کریندے ہوئیں وزیرخارجہ شاہ محمود قریشی اسلام بارے منفی رحجان اتے تصور پیدا کرنڑ تے گھاتٰ تشویش دا اظہارکریندے ہوئیں آکھیے جو ایجھا اقدامات نال پوری دنیا دے مسلماناں دے جذبات مجروح تھیندن۔ امت مسلمہ مذہبی شخصیات دی عزت اتے حرمت تے کوئی سمجھوتہ کرنڑ سانگے تیار کائنی ہے۔ وزراءخارجہ اجلاس دوران سانجھداری نال تیارکیتے گئے بیان اچ اسلام مخالف نفرت آلامواد کھنڈاونڑ تے گھاٹی تشویش دا اظہارکیتا گئے ،جیندے اچ اسلام اتے اسلامی روایات تے تنقید کیتی ویندی ہے ۔سانجھابیان اچ اسلام بارے منفی رویہ تحت منعقد کرائے گئے مختلف مقابلیاں کوں وی سختی نال مسترد کرڈتا گئے جنہاں اچ اسلام کوں ہک پرتشدد مذہب دے طور تے پیش کیتا ویندا پئے۔ بیان مطابق جڈاں گستاخانہ خاکیاں دے مقابلے داانعقاد دا اعلان کیتا گیا تاں اوں ویلھے توں گھن تے ہنڑ تئیں پاکستان ایں مسئلہ کوں اقوام متحدہ ، او آئی سی ، یورپی یونین سمیت بئے مختلف عالمی فورمز تے ایں مسئلہ کوں چنگا اندازاچ چاتے۔ دفترخارجہ ولوںجاری کیتے گئے بیان مطابق وزیرخارجہ شاہ محمود قریشی اقوام متحدہ دے سیکرٹری جنرل، او آئی سی دے سیکرٹری جنرل، ہالینڈ دے وزیرخارجہ اتے اسلامی ملکاں دے وزرائے خارجہ کو ںخط بھیجے جوا وہ ایجھا اسلام مخالف اقدامات دی مذمت کرنڑ دے نال اینکوں مکاونڑ سانگے وی اقدامات کرنڑ۔پاکستان او آئی سی دی ایگزیکٹو کمیٹی دے اجلاس کراونڑ دی وی درخواست کیتی تاں جو ایں مسئلہ کوں عالمی سطح تے چاتا ونج جا سگے ۔ وزیراعظم عمران خان اپنڑاں عہدہ سانبھنڑ دے فوراًبعد گستاخانہ خاکاں بارے تشویش دااظہارکیتا جڈاں جو کابینہ دے پہلے اجلاس دوران وی ایجھامقابلے کراونڑ دی پرزورمذمت کیتی گئی اتے کابینہ اسلام مخالف جاری مہم مکاونڑ دے مطالبے دے نال نال ایندی شدید مذمت وی کیتی۔ پارلیمنٹ دے ڈوہائیں ایواناں اچ قراردادں وی پاس کیتیاں گئیاں جنہاں اچ ایجھا اقدامات مکاونڑ دا مطالبہ کیتا گیا۔وزیراعظم عمران خان پارلیمان کوں یقین ڈیوایا جو نیویارک اچ او آئی سی دے وزراءاجلاس دوران ایں معاملہ کوں چنگا طریقے نال چاتا ویسی۔ نیویارک اچ ڈو طرفہ ملاقاتاں دوران وزیر خارجہ شاہ محمود قریشی اسلام اتے اسلامی روایات اتے سنجھانڑ دے حوالے نال ودھدی ہوئی گستاخانہ سرگرمیاں تے تشویش دا اظہارکریندے ہوئیں آکھیے جو ایندے نال ساری دنیا دے مسلماناں دے جذبات مجروح تھیندن ۔ او آئی سی ولوںجاری کیتے گئے بیان اچ امن ، مذہبی رواداری اتے ہک بئے دی عزت و احترام دے ودھارے سانگے کیتے گئے اسلامی ملکاں دے اقدامات دا وی خصوصی ذکر کیتا گئے۔ بیان اچ آکھیا گئے جو مسلم ملکاں کاص طور تے عالمی سطح تے اتحاد اتے ہم آہنگی کوں ودھارا ڈیونڑ سانگے او آئی سی دیاں کارروائیاں اچ ودھارے سانگے حکومتاں اپنڑاں کردار ادا کرنڑ جڈاں جو مسلم ملکاں کوں اسلامی روایات دے تحفظ ، امن وامان اتے برداشت دی ثقافت دے ودھارے سانگے جامع حکمت عملی تحت اقدامات کرنڑ پوسن ۔