انتخابات اچ دھاندلی دی تحقیقات دے حوالے نال حکومت دی نیت بالکل صاف اے ،پارلیمانی کمیٹی اچ برابری دی بنیاد تے نمائندگی ڈتی ویندی پئی اے ،وزیر مملکت پارلیمانی امور علی محمد خان

اسلام آباد ۔ 19ستمبر (اے پی پی) وزیر مملکت پارلیمانی امور علی محمد خان آکھیے جو انتخابات اچ دھاندلی دی تحقیقات دے حوالے نال حکومت دی نیت بالکل صاف اے ،پارلیمانی کمیٹی اچ برابری دی بنیاد تے نمائندگی ڈتی ویندی پئی اے۔انتخابات اچ دھاندلی دی اپوزیشن دی شکایت کو ںدور کرنڑ سانگے اساں تیار ہوں ۔ وزیراعظم دے اعلان دے بعد حکومت عملی طورتے پہلے اجلاس اچ ترمیمی بل پیش کیتا تے تحقیقات کراونڑ دے حوالے نال کم شروع کر ڈتے ۔بدھ کون پارلیمنٹ ہاﺅس دے باہروں میڈیا نال گال مہاڑ کریندے ہوئیں انہاں آکھیا جو وزیر اعظم دھاندلی دی تحقیقات دے حوالے نال پہلے ڈینھ جیرھا اعلان کیتا ہئی جیں تے عملی طور تے پہلے ہی اجلاس اچ ترمیمی بل پیش کیتا ۔ وزیر مملکت آکھیا جوانتخابات اچ دھندلی دی تحقیقات سانگے پارلیمانی کمیٹی دی تشکیل سانگے کہیں دھرنے ،جلوس تے نہ ہی کتھائیں سپریم کورٹ ونجنڑ دی ضرورت پئی ۔