حکومت آزادانہ خارجہ پالیسی تے عمل پیرا ہے‘ مسلم لیگ (ن) دے دور حکومت اچ چار سال تئیں وزیر خارجہ دا تقرر کائنی کیتا گیا ، وفاقی وزیر انسانی حقوق ڈاکٹر شیریں

اسلام آباد ۔ 26 ستمبر (اے پی پی) وفاقی وزیر انسانی حقوق ڈاکٹر شیریں مزاری آکھیے جو پاکستان تحریک انصاف دی حکومت آزادانہ خارجہ پالیسی تے عمل پیرا ہے‘ مسلم لیگ (ن) دے دور حکومت اچ چار سالاں تئیں وزیر خارجہ دا تقرر کائنی کیتا‘ سابق حکومت دی کوئی خارجہ پالیسی ہی کائناں ہئی ‘ جڈاں میاں نواز شریف مودی دی حلف برداری اچ گے تاں پہلی واری وزیراعظم پاکستان حریت کانفرنس دے وفد نال کائنی ملیے ،ماضی دیاں حکومتاں بلوچستان دے مسلے کوں حل کائنی کیتا اتھاں استحصال تھیندا رہ گے ،اساڈا وژن تے ارادہ ہے جو بلوچستان تے گوادر دی ترقی دے ثمرات عام بلوچ تئیں پجاﺅں ‘ لاپتہ لوکاں دے معاملے کوں اتفاق رائے نال حل کریسوں ۔بدھ کوں قومی اسمبلی اچ پاکستان مسلم لیگ ن دے رکن خواجہ آصف دی تقریر دا جواب ڈیندے ہوئیں ڈاکٹر شیریں مزاری آکھیا جو خواجہ آصف ایوان اچ اسد عمر دے خاندان کوں نشانہ بنڑائے جیرھا جو افسوس ناک اے ،خواجہ آصف کوں یاد کائنی جو جنرل عمر دے ہک پتر کوں سابق حکومت گورنر بنڑایا ہئی ،خواجہ آصف دا اے طرز عمل غلط اے ،انہاں دے الفاظ کوں ریکارڈ توں حذف کیتا ونجے اساکوں ایں طرز عمل دا مظاہرہ نی کرنڑاں چاہیدا ۔انہاں آکھیا ایں اسمبلی کوں ایں گال دا شکر ادا کرنڑاں چاہیدے جو ہنڑ خارجہ پالیسی بنڑدی پئی اے تے ایندے تے بحث تھیندی پئی اے ۔