اسلام آباد ۔ 7ستمبر (اے پی پی) وفاقی وزیر اطلاعات و نشریات چوہدری فواد حسین حکومت اقتصادی مشاورتی کمیٹی توںعاطف میاں دی نامزدگی کوں واپس گھننڑ دا فیصلہ کیتے ۔اپنڑے ٹویٹ اچ انہاں آکھیا جو حکومت علماءسمیت معاشرے دے سارے طبقات کوں نال گھن تے اگی تے ودھنڑ چاہندی اے تے کہیں ہک نامزدگی نال اگر مختلف تاثر پیدا تھیندے تاں اے مناسب کائنی ۔ ایں سانگے حکومت اقتصادی مشاورتی کمیٹی توں عاطف میاں دی بطور رکن نامزدگی واپس گھننڑ دا فیصلہ کیتے ۔ وفاقی وزیر اپنڑے ٹویٹ پیغام اچ مزید آکھیا جو وزیراعظم عمران خان دا آئیڈیل مدینہ دی ریاست ہے ۔ وزیر اعظم اتے انہاں دی کابینہ دے ارکان عاشقان رسول کریم ہن۔ انہاں آکھیا جوختم نبوت اساڈے ایمان دا حصہ اے تے ہنڑیں ہی گستاخانہ خاکیں دے معاملے تے حکومت جیرھی کامیابی حاصل کیتی اے او وی ایں نسبت دا اظہار ہے۔
