خوارک دی کمی دے بالاں تے بہوں گندے اثرات پوندے پین، صحت دیاں سہولتاں کوں ترجیح رکھیا ونجے،صدر مملکت ڈاکٹر عارف علوی دی وزارت قومی صحت دے دورہ ویلھے گالھ مہاڑ

APP28-25 ISLAMABAD: September 25 - President Dr. Arif Alvi being briefed on Ministry of National Health Services, Regulation and Coordination. APP

اسلام آباد ۔ 25 ستمبر (اے پی پی)صدر مملکت ڈاکٹر عارف علوی آکھیے جو خوارک دی کمی دے بالاں تے بہوں گندے اثرات پوندے پین، صحت دیاں سہولتاں کوں ترجیح رکھیا ونجے۔ اے گالھ انہاں وزارت قومی صحت دے دورہ ویلھے آکھی جتھاں وفاقی وزیر اتے سیکریٹری وزارت قومی صحت صدر مملکت کوں تفصیلی بریفنگ ڈتی۔صدر ڈاکٹر عارف علوی آکھیا جو عوام کوں صحت دی سہولیات ڈیونڑکیتے سارے اداریاں کوں کردار ادا کرنڑاں ہوسی، خوراک اتے صحت بارے آگاہی مہم دی لوڑھ اے۔صدر مملکت ڈاکٹر عارف علوی آکھیا جو ساکوں سوفیصد بالاں کیتے حفاظتی ٹیکے یقینی بنڑاونڑے ہوسن، صحت دی انشورنس/کوریج دے ذریعے غریب کوں تحفظ ڈیوانڑاں ہوسی۔صدر صوبیاں نال صحت دے معاملہ اچ تعاون بہتر کرنڑ دی ہدایت کیتی۔