سلام آباد ۔ 18ستمبر (اے پی پی) وفاقی وزیر قومی صحت عامر محمود کیانی آکھیے جو آندے ہک سال چھی مہینے اچ پاکستان کوں پولیو وائرس توں پاک کر ڈیسوں ،راولپنڈی اچ سیورین دے پانڑیں اچ پولیو وائرس پاتا گے ،راولپنڈی اچ افغانستان تے خیبر پختونخوا سمیت بئے علاقیں اچوں لوکاں دی وڈی تعداد ہجرت کرتے اتھاں آندی ہے ۔منگل کوں قومی اسمبلی اچ ڈاکٹر نوشین حامد ایوان اچ نالہ لئی راولپنڈی دے آسے پاسے دے علاقیں اچ پیونڑ دے پانڑیں اچ پولیو وائرس دی موجودگی متعلق تشویش دا باعث بنڑنڑ آلے فوری عوامی اہمیت دے معاملے تے توجہ کراﺅ نوٹس پیش کیتا جیں دے جواب اچ وزیر صحت آکھیا جو راولپنڈی اچ تازہ پانڑیں اچ پولیو اوائر س کائنی ملیا ۔راولپنڈی اچ وڈی تعداد اچ ڈوجھے علاقیں توں لوک ہجرت کرتے اتھاں آندن ،اے وائرس سیوریج اچ ملیے ۔گزریل ترائے چار سال اچ پولیو دے خاتمے سانگے چنگاں کم تھے ،توقع ہے آندے ہک سال چھی مہینے اچ پاکستان پولیو توں پاک تھی ویسی ۔
