اسلام آباد ۔ یکم ستمبر (اے پی پی) وفاقی وزیر اطلاعات و نشریات فواد چوہدری آکھے جو سرکاری افسراں دے تبادلے اتے تعیناتیاں قنون دے تحت ڈتی گئی پالیسی دی روشنی اچ تھیندیاں پن ، ہک صوبے اچ ڈھا سال سرکاری فرائض انجام ڈیونر آلے افسراں دی ڈوجھے صوبیاں اچ تبدیلی عمل اچ آئی ہے۔ چھنڑ چھنڑ کوں وزیر اطلاعات و نشریات چوہدری فواد حسین آپ دے بیان اچ آکھیا جو پہلی واری 9 بہترین افسراں کوں بلوچستان بھجوایا گئے ۔ انہاں آکھیا جو پسماندہ صوبے اچ چنگے افسراں دی تقرری نال چنگی طرز حکومت دے اہداف حاصل تھی سگسن ۔ انہاں آکھیا جو موجودہ حکومت قنون اتے ضابطے دے مطابق پالیسیاں اُتے عملدرآمد سانگے پرعزم ہے۔ وفاقی وزیر اطلاعات و نشریات فواد چوہدری آکھیا جو پالیسی وفاقی حکومت دے ایں عزم کوں ظاہر کریندی ہے جو بیوروکریسی قنون دے مطابق عوام دی خدمت کرے۔ انہاں آکھیا جو پسند یا ناپسند دی بنیاد اُتے نہں جڈانجوقنون اتے ضابطے دی پیروی ہی پالیسی دی بنیاد ہے۔
