سکولاں توں باہر بالیں کوں سکولاں اچ گھن آونڑ وڈا چیلنج اتے اساڈی اولیں ترجیح ہے،وفاقی وزیر تعلیم شفقت محمود

APP02-07 ISLAMABAD: September 07 – Federal Minister for Education and Professional Training Shafqat Mahmood addressing during literacy walk titled Education is the Right of Every Child arranged by National Commission for Human Development. APP photo by Saeed-ul-Mulk

اسلام آباد ۔ 7ستمبر (اے پی پی) وفاقی وزیر برائے تعلیم و پیشہ وارانہ تربیت شفقت محمود آکھے جو موجودہ حکومت کیتے سکولاں توں باہر بالیں کوں سکولاں اچ گھن آونڑ ساریاں توں وڈا چیلنج ہے، سکول توں باہر بالیں کوں سکولاں اچ گھن آونڑ اساڈی اولین ترجیح ہے۔ اے گالہیں انہاں قومی کمیشن برائے انسانی حقوق ولوں لٹریسی واک نال خطاب کریندے ہوئیں آکھیاں جیندا اہتمام عالمی یوم خواندگی دی مناسبت نال گیتا گیا ہئی ۔ وفاقی وزیر آکھیا جو سارے ملک اچ بے شمار بال سکولاں توں باہر ہن ۔ انہاں آکھیا جو سکول ونجنڑدی عمر تئیں جیہڑے بال پج گئے ہن انہاں کوں سکولاں اچ گھن آونڑ سانگے ہر ممکن اقدام کیتے ویسن ۔ انہاں آکھیا جو حکومت شرح خواندگی ودھاونڑ اتے تعلیم دی بنیاد اُتے سماجی تے اقتصادی ترقی سانگے پرعزم ہے۔ انہاں ملک اچ تعلیم دے فروغ سانگے این سی ایچ ڈی دے کرداردی تعریف کیتی اتے آکھیا جو خواندگی اچ ودھارے سانگے حکومت اداریاں دی ہر ممکن مدد کریسی ۔