مظفرگڑھ۔27 ستمبر(اے پی پی )مظفرگڑھ توں تقریباً 23 کلو میٹر پرے قصبہ گجرات روڈ چوک قریشی دے نیڑے مقامی سکول دے بالاں کوں گھن تے ونجنڑ آلی وین کوں بھاءلگ گئی جئیں پاروں ترائے طلباءجاں بحق،5دی حالت تشویشناک اے۔تفصیلات دے مطابق مقامی سکول دی وین بالاں کوں گھن تے ویندی پئی ہئی جو وین اچ اچانک بھاءلگ گئی جئیں پاروں ترائے طلبہ موقع تے سڑ کراہیں جاں بحق تھی گئے جڈانجو ڈاہ بال زخمی تھی گئے جنہاں اچوں پنج دی حالت تشویشناک اے۔ویگن اچ ڈو گیس سلنڈر لگیے ہوئے ہن ۔واقعہ دی اطلاع ملدیں ای اسسٹنٹ کمشنر مظفرگڑھ اشرف گجر موقع تے پج گئے ۔ ایس ایچ او چوک قریشی کلیم اللہ گادھی وی موقع تے پجیے اتے موقع تے موجود لوکاں کوں وین توں کڈھنڑ شروع کیتا۔سکول وین دے مالک کوں تھانڑان چوک قریشی پولیس پکڑ گھدے ،پولیس دے مطابق باقی دے ذمہ واران دی جلدی قانون دی پکڑ اچ ہوسن۔
