سینٹ دی کارروائی دوران ایجنڈے تے موجود معاملات بارے متعلقہ وزارت دے ایڈیشنل سیکرٹری دی سطح دے افسر کوں اتھاں موجود ہوونڑاں چاہیدے ، چیئرمین سینیٹ صادق سنجرانی دی ہدایت

اسلام آباد ۔ 28 ستمبر (اے پی پی) چیئرمین سینیٹ صادق سنجرانی ہدایت کیتی ہے جو سینٹ دی کارروائی دوران جیرھی وزارت توں متعلق وی معاملہ ایجنڈے اچ ایں بارے گھٹ توں گھٹ ایڈیشنل سیکرٹری دی سطح دے افسر کوں اتھاں موجود ہوونڑاں چاہیدے۔ جمعے کوں سینٹ اجلاس دوران چیئرمین سینیٹ پچھیا جو وزارت قومی تریخ تے ادبی ورثہ توں متعلق توجہ کراﺅ نوٹس ایجنڈے اچ شامل ہا، کوئی افسر ایندا نوٹس گھنڑ سانگے موجود ہے کیا۔ انہاں آکھیا جو جیرھی وزارت توں متعلق وی کوئی معاملہ ایجنڈے اچ ہووے تاںایندے سیکرٹری یا گھٹ توں گھٹ ایڈیشنل سیکرٹری دی سطح دے افسر کوں اجلاس اچ موجود ہونڑاں چاہیدے۔