اسلام آباد ۔08 ستمبر(اے پی پی)وفاقی وزیر صحت عامرمحمود کیانی آکھیے جو صحت دا شعبہ موجودہ حکومت دی ترجیحات اچ شامل ہے، وزیر اعظم عمران خان دے وژن مطابق صحت دے شعبہ اچ اصلاحات دا عمل شروع کرڈتے، حکومت ہسپتالاں اچ مریضاں کوساریاںسہولتاں ڈیونڑیقینی بناونڑ سانگے ہر ممکن کوشش کریسی۔ ایں ضمن اچ باضابطہ مانیٹرنگ دا نظام وی بنڑایا ویسی اتے ایں حوالے نال کوئی کوتاہی برداشت کائناں کیتی ویسی۔انہاں خیالیںدا اظہار انھاں پمز اتے پولی کلینک ہسپتال دے دورے دے موقع تے گالھ بات کریندے ہوئیں کیتا۔دورہ دے موقع تے وفاقی وزیرڈوہائیں ہسپتالاں دے ایمرجنسی اتے مختلف وارڈز دا وزٹ وی کیتا اتے اتھاںمریضاں کو ںڈتیاں گئیاں سہولتاں دا وی جائزہ گھدا۔وفاقی وزیر ایں موقع تے متعلقہ ذمہ داراں کو ںہدایت کیتی جواوہ مریضاں کوں ہر ممکن سہولتاںڈیونڑ یقینی بنڑاونڑ۔انہاں آکھیا جو ماضی دیاں حکومتاں صحت دے شعبہ کوں نظر انداز کیتا ہویا ہا جیندی وجہ نال عوام کوں علاج دیاں چنگیاںسہولتاں کائناں ملدیاں ہن ،تاں جو موجودہ حکومت وزیر اعظم عمران خان دے وژن اتے ہدایات مطابق صحت دے شعبہ اچ اصلاحات شروع کرڈتیاں ہن ۔ایں ضمن اچ ہیلتھ ریفارمز ٹاسک فورم بنڑا ڈتے جیندے تحت سارے شعبیں اچ چنگائی لاتی ویسی گی۔انہاں آکھیاجوصحت داشعبہ موجودہ حکومت دی ترجیحات اچ شامل ہے تاں جو عوام کو ںچنگیاںسہولتاںڈتیان ونج جا سگن۔ایں موقع تے وفاقی وزیر پولی کلینک ہسپتال اچ حفاظتی ٹیکاں سانگے بنڑائے گئے سنٹر وی گئے اتے متعلقہ ڈاکٹراں کوں ہدایت کیتی جو سارے بالاں کوں حفاطتی ٹیکہ ڈتے ونجنڑ اتے کوئی وی بال حفاظتی ٹیکاں توں محروم نہ رہوے۔ماں بال دی صحت وی صحت ریفارمز پروگرام اچ شامل ہے کیوں جو صحت مند ماں ہک صحت مند بال پیدا کریندی ہے ۔وفاقی وزیر آکھیاجو حکومت ہسپتالاں دی صورتحال کو ں چنگابناونڑ سانگے پرعزم ہے تاںجو علاج دے معیار کوں ٹھیک کیتا ونج جا سگے ۔انھاں ڈوہائیں ہسپتالاں دے سربراہاں کوں ہدایت کیتی جوا وہ ہسپتالاں اچ مریضاں دے علاج دی فراہمی یقینی بناونڑ اتے ایندے اچ کوئی غفلت برداشت کائناں کیتی ویسی ۔
