صدر مملکت ڈاکٹر عارف علوی اسلام آباد دی کچی آبادی اچ بالاں کوں پولیو دے قطرے پلاتے پورے ملک اچ پولیو ویکسینیشن دا افتتاح کر ڈتا

اسلام آباد ۔ 24 ستمبر (اے پی پی) صدر مملکت ڈاکٹر عارف علوی سنوار کوں پورے ملک اچ پولیو ویکسینیشن مہم دا افتتاح کر ڈتا،صدر مملکت وفاقی دارالحکومت اسلام آباد دی کچی آبادی اچ بالاں کوں پولیو دے قطرے پلائے ۔ایں موقع تے وفاقی وزیر صحت، بین الاقوامی تنظیماں دے نمائندگان اتے اعلیٰ سرکاری عہدیداران موجود ہن ۔صدر مملکت خطرے دے باوجود ایں مہم کوں جاری رکھنڑ تے سارے متعلقہ اداریں تے اہلکاراں کوں خراج تحسین پیش کیتا ۔صدر مملکت علما کرام توں اپیل کیتی جو او ایں مہم دی کامیابی اچ اپنڑاں کردار ادا کرن ۔انہاں ایں امید دا اظہار کیتا جو وختی ملک توں ایں بیماری دا خاتمہ کر ڈتا ویسی ۔