صدر مملکت ڈاکٹر عارف علوی دا پارلیمنٹ دے مشترکہ اجلاس نال پہلا خطاب
نویں پاکستان دی سنجانڑسادگی اپناونڑ،کرپشن اتے غیر ضروری پروٹوکول مکاونڑدا نظام اے،روزگار،صحت، تعلیم،معاشی اتے رہائشی منصوبیاں تے کم کر گھدا تاں ایہا ”تبدیلی “ ہوسی اتے ایہو ”نواں پاکستان“ہوسی
امید اے حکومت ہر شعبے اچ واضح روڈ میپ دے تے صاف شفاف گورننس یقینی بنڑیسی، شجرکاری،پانڑی دا تحفظ اتے ذخائر،آبپاشی نظام، زراعت، کسان دی ترقی،توانائی دے معاملیاں تے توجہ ڈیونڑی ہوسی
نینگراں اتے تریمیتں کوں بااختیار بنڑائے بغیر ترقی نئیں تھی سگدی،صحت، تعلیماتے سرمایہ کاری دے ودھارے، مالیاتی خسارہ اتے قرض توں جان چھڑاونڑ بارے جامع پالیسی اپناونڑی ہوسی
سارے جگ خاص کر افغانستان اتے بھارت جھیں ہمسائے ملکاں نال برابری اتے احترام دی بنیاد تے چنگے تعلقات چاہندے ہیںبھل مقبوضہ کشمیر دے عوام دی سیاسی، اخلاقی اتے سفارتی حمایت وی جاری رکھی ویسی،صدر مملکت ڈاکٹر عارف علوی دا پارلیمنٹ دے مشترکہ اجلاس نال پہلا خطاب
اسلام آباد ۔ 17ستمبر (اے پی پی) صدر مملکت ڈاکٹر عارف علوی ملکی مسلیاں دے حل کیتے حکومت دے اگو رہنما اصول رکھیندے ہوئے کرپشن دے خاتمے، سادگی دے ودھارے ، بدعنوانی توں پاک نظام، غیر ضروری پروٹوکول مکاونڑ، پسماندہ اتے دور پار علاقیاں دی ترقی ، نظام تعلیم دی مضبوطی اتے بھارت سودھے سارے ہمسایہ ملکاں دے نال چنگے تعلقات دی خواہش کریندے ہوئیں کشمیریاں دی ہر سطح تے حمایت جاری رکھنڑ دا عزم کیتے۔صدر مملکت دا آکھنڑ ہا جو نویں پاکستان دی سنجانڑسادگی اپناونڑ،کرپشن اتے غیر ضروری پروٹوکول مکاونڑدا نظام اے،روزگار،صحت، تعلیم،معاشی اتے رہائشی منصوبیاں تے کم کر گھدا تاں ایہا ”تبدیلی “ ہوسی اتے ایہو ”نواں پاکستان“ہوسی ۔انہاں امید کیتی جو حکومت ہر شعبے اچ واضح روڈ میپ دے تے صاف شفاف گورننس یقینی بنڑیسی۔ شجرکاری،پانڑی دا تحفظ اتے ذخائر،آبپاشی نظام، زراعت، کسان دی ترقی،توانائی دے معاملیاں تے توجہ ڈیونڑدے نال نال نینگراں اتے تریمیتں کوں بااختیار بنڑائے بغیر ترقی نئیں تھی سگدی،صحت، تعلیم اتے سرمایہ کاری دے ودھارے، مالیاتی خسارہ اتے قرض توں جان چھڑاونڑ بارے جامع پالیسی اپناونڑی ہوسی، سارے جگ خاص کر افغانستان اتے بھارت جھیں ہمسائے ملکاں نال برابری اتے احترام دی بنیاد تے چنگے تعلقات چاہندے ہیںبھل مقبوضہ کشمیر دے عوام دی سیاسی، اخلاقی اتے سفارتی حمایت وی جاری رکھی ویسی۔ پارلیمنٹ دے مشترکہ اجلاس نال اپنڑے پہلے خطاب اچ صدر مملکت ڈاکٹر عارف الرحمان علوی زور ڈتے جو ہمسایہ ملکاں نال بقائے باہمی دی بنیاد تے تعلقات ودھاونڑن، چین نال چنگے تعلقات اگو تے ٹریندے ہوئے سی پیک منصوبیاں کوں اگونہی ترقی تے رکھنڑے،یکساں تعلیمی نظام اتے بیاں سہولتاں ویلھے دی لوڑھ ہین، فاٹا دے خیبر پختونخوا اچ انضمام سانگے واضح فیصلے کرنڑے ہوسن،ساڈے مسائل دی وڈی وجہ گروہی مفادات، بے انتہا کرپشن اتے بے ایمانی اے،کرپشن مکاونڑ کیتے احتساب دے اداریاں کوں مضبوط کرنڑاں ہوسی ،سادگی اتے ڈکھاوے توں بچدے ہوئے ملک تے ودھدے قرض دے پہاڑ مکاونڑے ہوسن،مدینے دی ریاست اتے اسلامی معاشرے دی بنیاد مساوات، عدل اتے بھرا بھرپی تے رکھی گئی اے ،ا قبال دا فلسفہ اتے قائد دے قوی ایہے اصول ہین جیندے ہوئین ٹردے ہوئے نواں پاکستان بنڑاونڑاں ہوسی۔انہاں خوشی دا اظہار کیتے جو ہر شہری کوں ملکی مسائل دا پتا اے،دہقان ہوووے،عدلیہ ، ساڈا فوجی وجوان،سول سروس دا نمائندہ، قلم کارہر کوئی ملکی ترقی اچ اپنڑا حصہ پاترا سٹنر چاہندے ،میڈی حکومت، اپوزیشن اتے ساریاں سیاسی جماعتاں توں اپیل اے جو او ملک دی سمت درست کرن۔
