پاکستان اچ پانڑی دی گھٹکی اے،حکومت دے نال نال ہر شہری کوں پانڑی دے ضیان کوں روکنڑ اتے اوندے استعمال بہتر بنڑاونڑ سانگے اپنڑاں کردار نبھاونڑاں پمسی،زرعی مقاصد سانگے ڈرپ ایریگیشن یا سپرے ایریگیشن اتے لائننگ آف واٹر کینال اتے واٹر ویزتے توجہ ڈیونڑ دی لوڑھ اے،،صدر مملکت ڈاکٹر عارف علوی دا پنڑی دے معاملہ تے سنھیا
اسلام آباد ۔ 14ستمبر (اے پی پی) صدر مملکت ڈاکٹر عارف علوی آکھیا جو پاکستان اچ پانڑی دی گھٹکی اے،حکومت دے نال نال ہر شہری کوں پانڑی دے ضیان کوں روکنڑ اتے اوندے استعمال بہتر بنڑاونڑ سانگے اپنڑاں کردار نبھاونڑاں پمسی،زرعی مقاصد سانگے ڈرپ ایریگیشن یا سپرے ایریگیشن اتے لائننگ آف واٹر کینال اتے واٹر ویزتے توجہ ڈیونڑ دی لوڑھ اے۔انہاں آکھیا جو بہوں اہم گالھ اے جو پاکستان اچ پانڑی دی گھٹکی اے اتے پانڑی دی گھٹکی دا مسئلہ گلوبل وارمنگ بارے اے۔انہاں آکھیا جو پاکستان اچ پانڑی دا ضیان تھیندا پئے ۔انہاں آکھیا جو چیف جسٹس ڈیماں سانگے فنڈز اتے عطیات جمع کراونڑ دا جیڑھا کم شروع کیتے جئیں کوں وزیراعظم وی سپورٹ کیتے ایں بارے سمندرپارپاکستانیاں توں خصوصی اپیل کرینداں جو او ایں بارے توجہ ڈیون۔انہاں آکھیا جو اے حکومت انشاءاللہ ایں گالھ دی کوشش کریسی جو زرعی فارمنگ چنگے انداز اچ کیتی ونجے اتے پانڑی دا ضیان نہ تھیوے۔اے گالھیں انہاں پانڑی دے مسئلے تے ہک سنھیے اچ آکھی۔
