اسلام آباد ۔ 27 ستمبر (اے پی پی) صدر مملکت ڈاکٹر عارف علوی نال وفاقی وزیر برائے اطلاعات و نشریات چوہدری فواد حسین ’ وزیراعظم دے معاون خصوصی افتخار درانی دے رلے خمیس کوں ایوان صدر اچ ملاقات کیتی۔ایں موقع تے صدرمملکت آکھیا جو عوام کوں بنیادی سہولتاں ڈیونڑ حکومت دی پہلی ترجیح اے۔انہاں آکھیا جو ایں بارے او فعال کردار نبھیسن اتے آئینی تقاضیاں دے مطابق اپنڑی ذمہ واریاں نبھیسن۔صدرمملکت وزیراعظم دے ماحولیات دی ترقی سانگے اقدامات کوں سراہیا اتے ایں کار خیر اچ اپنڑی پوری حمایت دا یقین ڈوایا۔
