اسلام آباد ۔ 28 ستمبر (اے پی پی) صدر مملکت ڈاکٹر عارف علوی آکھیے جو انفارمیشن ٹیکنالوجی اتے ٹیلی کمیونیکیشن انڈسٹری اچ برآمدات اتے روزگار پیدا کرنڑ دی بہوں صلاحیت موجود اے، ایں سانگے سارے اقدامات کیتے ونجن، انہاں اے گالھ وفاقی وزیر انفارمیشن ٹیکنالوجی و ٹیلی کمیونیکیشن خالد مقبول صدیقی نال ایوان صدر اچ ہک ملاقات ویلھے آکھی۔صدر مملکت آکھیا جو انفارمیشن ٹیکنالوجی و ٹیلی کمیونیکیشن دے شعبہ اچ تحقیق و ترقی کوں ترجیح ڈیونڑی چاہیدی اے تاں جو اگو تے ودھنڑ دے نویں رستے نکلن۔صدر مملکت ملک اچ انفارمیشن ٹیکنالوجی اتے ٹیلی کمیونیکیشن دے ودھارے کیتے وزارت دے اقدامات دی تعریف کیتی۔
