صوبے دے نظر انداز تے پسماندہ علاقیاں دی ترقی کوں ترجیح ڈیندے ہوئیں بنیادی سہولتاں ڈیونڑ اتے تعطل داشکار ترقیاتی منصوبیںتے کم اگی تے ودھاونر تے توجہ ڈتی ویسی وسائل دا رخ بلا امتیاز صوبے دے سارے شعبین اتے سارے علاقیاں آلے پاسے موڑیاویسی،عوامی بہبود دے سارے منصوبیاں کوں ترجیح ڈتی ویسی وزیر اعلیٰ پنجاب عثمان بزدار دی ایوان صدر اچ نو منتخب صدر ڈاکٹر عارف علوی دی حلف برداری تقریب دے موقع تے ”اے پی پی“ نال گالھ بات

اسلام آباد ۔ 9ستمبر (اے پی پی)وزیر اعلیٰ پنجاب عثمان بزدار آکھیے جو صوبے دے نظر اندازاتے پسماندہ علاقیاںدی ترقی کو ںترجیح ڈیندے ہوئیںبنیادی سہولتاں ڈیونڑ اتے تعطل دا شکار ترقیاتی منصوبیاں تے کم اگی تے ودھاونڑ تے خصوصی توجہ ڈتی ویسی۔ انہاں ایہ گالھ اتوار کوں ایوان صدر اچ نو منتخب صدر ڈاکٹر عارف علوی دی حلف برداری دی تقریب دے موقع تے ”اے پی پی“ نال گالھ بات کریندے ہوئیں آکھی۔ وزیر اعلیٰ پنجاب آکھیا جو وسائل دا رخ بلا امتیاز صوبے دے سارے شعبیں اتے سارے علاقیاں آلے پاسے موڑیا ویسی، جڈاںانہاں دی توجہ کئی سال پرانڑے راولپنڈی رنگ روڈ منصوبے سمیت سرد مہری داشکار کئی اہم ترقیاتی منصوبیاں ول مبذول کرائی گئی تا ںعثمان بزدارآکھیا جوا وہ مختلف شعبیں بارے تفصیلی بریفنگز حاصل کر یندے پن اتے ایں ضمن اچ کمیٹیاں وی بنرائیاں ویندیاں پن۔۔ انہاں کوں ایں بارے وی آگاہ کیتاگیا جو اسلام آباد انٹرنیشنل ایئرپورٹ دی شہر توں باہر نوین جاءتے منتقل تھیونڑ نال وی لوکیں کوں ایئرپورٹ تئیں پجنڑ اچ ڈھگ سارے مسئلیان دا سامنڑاں کرنڑپوندے۔ ایں توںپہلے تقریب اچ شریک گورنر پنجاب چوہدری محمد سرور وی علاقے دے عوام دے ایں دیرینہ مسئلے داجائزہ گھنڑ دی یقین دہانی کرائی۔ انہاں آکھیا جو اوہ یقیناً ایں ضمن اچ مشکلات دور کرنڑ سانگے اپنڑاں کردار ادا کریسن۔