اسلام آباد ۔ 20ستمبر (اے پی پی) وزیر اعظم عمران خان اپنڑے بھارتی ہم منصب نریندر مودی دے ناں اپنڑے خط اچ مثبت سوچ دے اظہار دے تحت سارے مسلیں دے حل سانگے مذاکرارت دی دعوت ڈتی اے ۔وزارت خارجہ دے ترجمان اپنڑے ٹویٹ پیغام اچ آکھیے جو وزیر اعظم مثبت سوچ دا اظہار کریندے ہوئیں مذاکرات دی دعوت ڈتی اے تاں جو مذاکرات دے ذریعے سارے حل طلب مسلیں دا خاتمہ کیتا ونجے ۔ ترجمان آکھیا جو بھارت ولوں خط دے جواب دا انتظار کریندے پیوں ۔ایندے توں پہلے بھارتی وزیر اعظم نریندر مودی گزریل مہینے عمران خان کوں لکھیے گے خط اچ مثبت تے با مقصد مذاکرات دا اظہار کیتا ہئی جڈاں جو انہاں عمران خان کوں عہدہ سنبھالنڑ تے مبارخ وی ڈتی ہئی ۔
