اسلام آباد ۔ 11ستمبر (اے پی پی) سپیکر و ڈپٹی سپیکر قومی اسمبلی بابائے قوم قائد اعظم محمد علی جناحؒ کو ںشاندار الفاظ اچ خراج عقیدت پیش کریندے ہوئیں آکھیے جو قا ئدا عظم محمد علی جنا حؒ ہمیشہ نظم و ضبط ،آزادی، جمہوریت، قانون دی حکمرانی اتے سماجی انصاف دے رہنما اصولاں تے ثابت قدم رہیے ۔پاکستان کوں خوشحال تے فلاحی مملکت بنڑاونڑ اچ اساکوں بابائے قوم دے رہنما اصولاں تے کاربند رہنڑاں ہوسی ۔منگل کوں بابائے قائد اعظم محمد علی جناح دی 70ویں برسی دے موقع تے انجھ انجھ پیغامات اچ سپیکر اسد قیصر آکھیا جو قائد اعظم ہمیشہ ہر اوکھے وقت اچ سینہ سپر رہیے انہاں اپنڑے اصولاں تے کڈاہیں وی سودا بازی کائنی کیتی تے نہ ہی اپنڑاں فیصلہ کہیں تے مسلط کرنڑ دی کوشش کیتی ۔ قا ئد اعظم محمد علی جناح دے رہنما اصول ایمان، اتحاد اتے نظم اساڈی تاریخ داحصہ ہن تے پاکستان کوں درپیش چیلنج دا مقابلہ صرف اپنڑیاں صفاں اچ اتحاد پیدا کرتے ہی کیتا ونج سگدے ۔
