اسلام آباد ۔ 14ستمبر (اے پی پی) قومی اسمبلی دا اجلاس منگل دی سویل 10وجے سڈیا گے ۔اجلاس دی صدارت سپیکر قومی اسمبلی اسد قیصر کریسن ۔الیکشن 2018اچ منتخب تھیونڑ آلی قومی اسمبلی دا اے پہلا سیشن ہوسی جیں دے بعد پارلیمان سال دا باقاعدہ آغاز تھیسی ۔اجلاس اچ اہم قومی امور سمیت ایوان دی معمول دی کاروائی نبیڑی ویسی ۔واضح رہے جو قومی اسمبلی دے پہلے سیشن دے آغاز تے موجودہ نویں منتخب حکومت ولوں اہم اقدامات دی توقع کیتی ویندی پئی اے ۔ کجھ حکومتی اکابرین ولوں اہم قومی فیصلیں دی قومی اسمبلی توں منظوری داعندیہ وی ظاہر کیتا گے ایں سانگے انتقال اقتدار دے سارے مرحلے پورے تھیونڑ دے بعد موجودہ سیشن کوں سیاسی مبصرین ولوں بہوں اہم قرار ڈتا ویندا پئے ۔
