ماضی اچ صرف چار حلقے کھولنڑ دے اساڈے مطالبے تے چار سال لا ڈتن ،وزیر اعظم عمران خان الیکشن 2018دی تحقیقات سانگے ایوان دی خصوصی کمیٹی قائم کرنڑ دا پہلے ڈینھ توں فیصلہ کیتے ، وفاقی وزیر اطلاعات و نشریات چوہدری فواد حسین

اسلام آباد ۔ 18ستمبر (اے پی پی) وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان الیکشن 2018ءدی تحقیقات سانگے ایوان دی خصوصی کمیٹی قائم کرنڑدا پہلے ڈینھ توں فیصلہ کر گھدا ‘ ماضی اچ 2013ءدے انتخابات دے بعد صرف چار حلقے کھولنڑ دے اساڈے مطالبے تے چار سال لا ڈتے ،سپیکر کوں کمیٹی دی تشکیل دا اختیار حاصل ہے ،جیرھی وی کمیٹی بنڑسی او با اختیار ہوسی ۔منگل کوں قومی اسمبلی اچ اظہار خیال کریندے ہوئیں وزیر اطلاعات فواد چوہدری آکھیا جو ایں طرح کمیٹی سانگے تحریک انصاف کوں چار سال تئیں انتظار کرنڑاں پیا ۔انہاں آکھیا جو 1990تے 1997دے انتخابات دی تحقیقات دا مطالبہ کائنی کریندے پے ،اساں تحریک پیش کر ڈتی اے ۔سپیکر کوں اختیار ہے جو جیرھی وی کمیٹی بنڑسی او بااختیار ہوسی ۔