ملتان اچ (اج ) 82 جلوس نکلسن، 171 مجالس تھیسن

ملتان۔19 ستمبر(اے پی پی )اج خمیس 9محرم الحرام کوں ضلع ملتان اچ 82جلوس نکلسن اتے 171مجالس تھیسن جیندے اچوں 9جلوس اتے37مجالس اے کیٹگری اچ رکھیے گین اتے انجھ سیکیورٹی پلان بنڑایا گئے۔سارے ڈویژنل ایس پیز اپنڑے متعلقہ ڈویژناں اچ سکیورٹی دی نگرانی کریسن اتے ڈیوٹی تے تعینات افسران و اہلکاراں توں بریفنگ گھنسن۔ ضلع ملتان پولیس دے کل 2601پولیس افسران اتے اہلکارسیکورٹی ڈیوٹی دیسن جیندے اچوں 52 انسپکٹرز،133سب انسپکٹرز ،153اسسٹنٹ سب انسپکٹرز،68 ہیڈکانسٹیبلز اتے 2178 کانسٹیبلزہوسن۔ پولیس ترجمان دے مطابق 370 پولیس قومی رضاکاران اتے1700عام رضاکار وی معاونت کریسن۔