اسلام آباد ۔ 12ستمبر (اے پی پی) صدر مملکت عارف علوی اعلیٰ اخلاقی اقدار تے عمل پیراتھی تے ہر اعتبار نال اسلام دا مطلوب تے مقصود معاشرہ تشکیل ڈیونڑ دی ضرورت کوں اجاگر کریندے ہوئیں آکھیے جو موجودہ جمہوری حکومت ملک تے قوم دی ترقی اتے خوشحالی سانگے صحیح سمت اچ سفر داآغاز کرڈتے تے بہوں وختی اساں اپنڑی ترقی دے مقررہ اہداف حاصل کرنڑ اچ کامیاب تھی ویسوں ۔انہاں اے گال ہجری سال نو 1440ھ/2018ءدے موقع تے قوم دے ناں پیغام اچ آکھی جیرھا جو اج بدھ کوں شروع تھیندا پئے ۔ صدر مملکت عارف علوی اسلامی کیلنڈر دے سال ۰۴۴۱ھ دے آغاز تے پاکستانی قوم اتے اہلِ اسلام سانگے نیک خواہشات دا اظہار کریندے ہوئیں آکھیا جو اسلامی سال دا پہلا مہینہ محرم ہے ۔ایندا شمار انہاں مقدس مہینے اچ تھیندے جیںدا ذکر تعلیمات اسلامی اچ عزت تے توقیر آلے مہینے دی حیثیت نال تھے ،محرم اساکوں اپنڑے اسلاف دیاں قربانیاں ،صبر تے برداشت تے استقامت جیہوجی اعلیٰ انسانی اقدار دی پاسداری تے خاص طور تے واقعہ ہجرت نبوی تے انصار تے مہاجرین دی سانجھی محنت اخوت تے بھرپی ،ہمدردی دے جذبے دے ودھارے دی یاد ڈویندے ۔ انہاں دعا کیتی جو اللہ سئیں اساں ساریں کوںنویں ہجری سال دے آغاز تے حقیقی خوشیاں نال ہمکنار فرماوے تے محرم دی اہمیت کوں صحیح تناظر اچ سمجھنڑ دی توفیق عطا فرماوے۔
