نو منتخب صدر مملکت ڈاکٹر عارف الرحمن علوی ملک دے 13 ویں صدر دی حیثیت نال حلف چا گھدے ، چیف جسٹس آف پاکستان جسٹس میاں ثاقب نثار انہاں توں حلف گھدا، حلف برداری دی سادہ مگر پروقار تقریب ایوان صدر اچ منعقد تھئی، تقریب اچ وزیراعظم عمران خان ، سبکدوش تھیونڑآلے صدر ممنون حسین وی موجود ہن۔ حلف برداری دی تقریب اچ پاکستان دے دورے تے موجود سعودی عرب دے وزیر اطلاعات و ثقافت عواد بن صالح اتے چین دے وزیر خارجہ وانگ ژی دی خصوصی شرکت ،تقریب اچ چیئرمین سینٹ صادق سنجرانی، سپیکر قومی اسمبلی اسد قیصر، چیئرمین جوائنٹ چیفس آف سٹاف کمیٹی، تینوں مسلح افواج دے سربراہان، گورنرز اتے وزراءاعلی دی وی شرکت ، تقریب اچ غیر ملکی سفیراں، اراکین پارلیمان، سیاسی رہنماواں، ذرائع ابلاغ دے نمائنداں سمیت زندگی دے مختلف شعبیںنال تعلق رکھنڑآلے لوکاں دی وڈی تعداد موجود ہائی

APP44-09 ISLAMABAD: September 09 - Dr. Arif Alvi being administered the oath as President of Pakistan by Chief Justice Mian Saqib Nisar at the Aiwan-e-Sadr. Prime Minister Imran Khan and Former President Mamnoon Hussain are also present. APP

اسلام آباد ۔ 9ستمبر (اے پی پی) نو منتخب صدر مملکت ڈاکٹر عارف الرحمن علوی ملک دے 13 ویں صدر دی حیثیت نال حلف چا گھدے۔ اتوار کوں ایوان صدر اچ تھیونڑ آلی سادہ مگر پروقار تقریب حلف برداری دی تقریب اچ چیف جسٹس آف پاکستان جسٹس میاں ثاقب نثار صدر مملکت عارف علوی توں انہاں دے عہدے دا حلف گھدا۔ تقریب اچ وزیراعظم پاکستان عمران خان اتے سابق صدر ممنون حسین وی شرکت کیتی ۔ایں موقع تے چیئرمین سینٹ صادق سنجرانی، سپیکر قومی اسمبلی اسد قیصر، چیئرمین جوائنٹ چیفس آف سٹاف کمیٹی، ترائی مسلح افواج دے سربراہاں، وزیر اعلیٰ پنجاب سردار عثمان بزدار، وزیر اعلیٰ بلوچستان جام کمال خان، وزیر اعلیٰ سندھ سید مراد علی شاہ، گورنر سندھ عمران اسماعیل، گورنر پنجاب چوہدری محمد سرور، وزیر خارجہ شاہ محمود قریشی، وزیر اطلاعات چوہدری فواد حسین، وزیر خزانہ اسد عمر سمیت اعلیٰ سول تے فوجی حکام وی شریک ہن۔ صدر مملکت دی تقریب حلف برداری اچ سعودی عرب دے وزیر اطلاعات عواد بن صالح اتے چین دے وزیر خارجہ وانگ ژی وی خصوصی طور تے شریک ہن جڈاں جو تقریب اچ غیر ملکی سفیراں، اراکین پارلیمان، مختلف سیاسی رہنماواں سمیت زندگی دے مختلف شعبیں نال تعلق رکھنڑ آلے لوکاں شرکت کیتی۔ بگل وجا تے نو منتخب صدر مملکت اتے وزیراعظم دی آمد دا اعلان کیتا گیا۔ ایںموقع تے قومی ترانہ وجایا گیا۔ تقریب دا باقاعدہ آغاز تلاوت کلام پاک نال تھیا ہوا جیندے بعد چیف جسٹس آف پاکستان جسٹس میاں ثاقب نثار قومی زبان اردو اچ نو منتخب صدر توں حلف گھدا۔ بعد اچ کابینہ سیکرٹری صدر مملکت دے منصب سانبھنڑ بارے باضابطہ فرمان پڑھ تے سنڑایا۔ تقریب دے چھیکڑ اچ قومی ترانہ وجایا گیا۔ ایندے بعد استقبالیہ ہال اچ مختلف شعبین نال تعلق رکھنڑ آلی شخصیات اتے مہماناں صدر مملکت کو ں مبارخباد ڈتی دی اتے انہاں سانگے نیک تمناواں دا اظہار کیتا۔ یاد رہوے جو صدارتی منصب سانگے انتخاب 4 ستمبر کو ں تھیاجیندے اچ عارف الرحمن علوی، مولانا فضل الرحمن اتے اعتزاز احسن صدارتی امیدوار ہن۔ الیکشن کمیشن ولوں صدارتی انتخاب دے حوالے نال جاری باضابطہ اعلان مطابق تحریک انصاف اتے اتحادی جماعتاں دے امیدوار عارف الرحمن علوی 352 الیکٹورل ووٹ گھن تے کجیت گئے جڈاں جو مسلم لیگ (ن)، ایم ایم اے اتے بی اتحادی جماعتاں دے امیدوار مولانا فضل الرحمن کوں 184 اتے پیپلزپارٹی دے امیدوار اعتزازاحسن کوں 124 ووٹ ملے۔ قومی اسمبلی دی آفیشل ویب سائٹ تے دستیاب تفصیلات مطابق عارف علوی توں پہلے ملک دے صدور دی فہرست اچ وسیم سجاد (2 واری) اتے محمد میاں سومرو قائم مقام صدر دی حیثیت نال فرائض انجام ڈتے۔ فہرست مطابق میجر جنرل سکندر مرزا 23 مارچ 1956ءتوں 27 اکتوبر 1958ئ، جنرل محمد ایوب خان 27 اکتوبر 1958ءتوں 25 مارچ 1969ئ، جنرل محمد یحییٰ خان 25 مارچ 1969ءتوں 20 دسمبر 1971ئ، ذوالفقار علی بھٹو 20 دسمبر 1971ءتوں 14 اگست 1973ئ، فضل الہٰی چوہدری 14 اگست 1973ءتوں 16 ستمبر 1978ئ، جنرل محمد ضیاءالحق 16 ستمبر 1978ءتوں 17 اگست 1988ئ، غلام اسحاق خان 17 اگست 1988ءتوں 8 جولائی 1993ئ، وسیم سجاد (قائم مقام) 8 جولائی 1993ءتوں 14 نومبر 1993ئ، سردار فاروق احمد خان لغاری 14 نومبر 1993ءتوں 2 دسمبر 1997ئ، وسیم سجاد (قائم مقام) 2 دسمبر 1997ءتوں پہلی جنوری 1998ئ، جسٹس (ر) محمد رفیق تارڑ یکم جنوری 1998ءتوں 20 جون 2001ئ، جنرل پرویز مشرف 20 جون 2001ءتوں 15 اکتوبر 2007ئ، جنرل (ر) پرویز مشرف 29 نومبر 2007ءتوں18 اگست 2008ئ، محمد میاں سومرو (قائم مقام) 18 اگست 2008ءتوں9 ستمبر 2008ءاتے آصف علی زرداری 9 ستمبر 2008ءتوں 9 ستمبر 2013ءتئیں صدر رہے جڈاں جو صدر ممنون حسین 9 ستمبر 2013ءتوں 8 ستمبر 2018ءتئیں صدر دے عہدے تے فائز رہے۔