اسلام آباد ۔ 25 ستمبر (اے پی پی) وزیر اعظم عمران خان آکھیے جو نیشنل کاﺅنٹر ٹیررازم اتھارٹی (نیکٹا) کو ں ہک فعال اتے جدید ادارہ بنڑاونڑ سانگے نویں زمینی حقائق تے ایندے کردار دے از سر نو جائزہ دے متقاضی ہن جڈاں جو نیکٹا دے کردار تے امور کار دا جائزہ گھننڑ سانگے ہک کمیٹی بنڑاونڑ دا فیصلہ کیتا گے جیرھی جو ہک ہفتے اچ اپنڑیاں سفارشات وزیراعظم کوں پیش کریسی ۔اےے گال انہاں منگل کوں وزیراعظم عمران خان دی زیر صدارت وزیر اعظم آفس اچ نیشنل کاﺅنٹر ٹیررازم اتھارٹی (نیکٹا) دے بورڈ آف گورنرز دے اجلاس دے دوران آکھی،اے نیکٹا دے قیام دے بعد ایندے بورڈ آف گورنرز دا پہلا اجلاس ہا۔ اجلاس اچ وزیر دفاع ، وزیر خزانہ، وزیر قانون، چاروں صوبیں تے گلگت بلتستان دے وزرائے اعلیٰ، وزیر اعظم آزاد کشمیر ، وزیر مملکت داخلہ ، ڈی جی آئی ایس آئی، سیکرٹری داخلہ ، نیشنل کوآرڈینیٹر نیکٹا، چیف سیکٹریز، پولیس دے آئی جی تے سینئر حکام شرکت کیتی ۔ نیشنل کوآرڈینیٹر نیکٹا اجلاس کو ںدہشت گردی اتے پرتشدد انتہاپسندی دے انسدادسانگے پالیسی سازی اتے قومی حکمت عملی تے عملدرآمد سانگے اولین ادارہ دی حیثیت نال نیکٹا دے قیام دے بعد ایندے مینڈیٹ اتے کردار بارے بریفنگ ڈتی ۔ اجلاس دے دوران 20 نکاتی نیشنل ایکشن پلان تے عملدرآمد دی صورتحال دا جائزہ گھدا گیا ۔ایں موقع تے وزیراعظم آکھیا جو پاکستان پرتشدد انتہا پسندی دے انسداد اتے دہشت گردی دی لعنت دے خلاف طویل جنگ لڑی ہے ۔ اساں اپنڑے ہزاراں شہریاں تے سکیورٹی اہلکاراں دیاں جاناںدا نذرانہ پیش کیتے ۔ مسلح افواج ،انٹیلی جنس اداریں تے پولیس تے بئے قانون نافذ کرنڑ آلے اداریں دیاں ودھ ساریاں خدمتاں دی تعریف کریندے ہوئیں وزیراعظم عمران خان آکھیا جو اج سیکورٹی دی صورت حال بہتر ہے تے سارے فریقین دیاں مضبوط کوششاں دا نتیجہ اے ۔
