وزیراعظم دے زیر صدارت اعلیٰ سطح اجلاس: 50 لکھ گھربنڑاونر دے منصوبہ کیتے ڈو ہفتیاں اچ سفارشاں منگ گھدیاں

اسلام آباد ۔ 10ستمبر (اے پی پی) پورے ملک اچ لوکاں کوں چھٹ ڈیونڑ سانگے پنجاہ لکھ گھر بنڑاونڑ دے وعدے کوں پورا کرنڑ کیتے وزیراعظم عمران خان دے زیر صدارت اسلام آباد اچ ہک اعلیی سطح اجلاس تھئے جیندے اچ ایں ہاوسنگ پروگرام کوں حقیقی شکل ڈیونڑ کیتے تجویزاں اتے مجوزہ منصوبہ بندی دا جائزہ گھدا گئے۔ وزیراعظم عمران خان ہدایت کیتی اے جو 50 لکھ گھربنڑاونر دے منصوبہ کیتے بنڑائی گئی کمیٹی ڈو ہفتیاں اچ اپنڑیان سفارشاں ڈیوے، انہاں آکھیے جوایں عوامی فلاح دے منصوبے دی نگرانی او آپ کریسن۔ انہان دا آکھنڑ ہا جو منصوبے کیتے پورے ملک اچ سرکاری اراضی ، سرکاری عمارتاں،پنجاب اتے خیبر پختونخوا دے گیسٹ ہاوسز اتے سرماری املاک دی ارباں روپے دی زمین دے ذریعے ہاﺅسنگ پروگرام کیتے مالی وسائل کٹھے کیتے ویسن۔اجلاس اچ وزیراعظم کوں سیکرٹری ہاﺅسنگ ،ہاﺅسنگ کمیٹی ولوں منصوبے تے ہنڑ تئیں دی پیش رفت بارے بریفنگ ڈتی،گھراں دی دستیابی، سالانہ لوڑھ دے اعدادو شمار ڈسائے۔انہاں منصوبے بارے مطلوبہ وسائل سانگے مختلف مختلف آپشنز، نجی اتے غیر ملکی سرمایہ کاراں کوں سہولتاں اتے متعلقہ قوانین اچ ترامیم بارے وی ڈسایا گیا۔وزیراعظم دا آکھنڑ ہا جو اے منصوبہ پی ٹی آئی حکومت دے ایجنڈے دا اہم حصہ اے، بے گھر لوکاں کوں ہر صورت گھر اتے چھت ڈیونڑ دا وعدہ پورا کیتا ویسی،ایندے نال لوکاں کوں گھر ہی نہ ملسن، روزگار وی ملسی اتے انہاں دی سماجی حالت سدھرسی۔