جدہ ۔ 19ستمبر (اے پی پی) وزیراعظم عمران خان سعودی فرمانروا خادم حرمین شریفین شاہ سلمان بن عبدالعزیز نال بدھ کوں ملاقات کیتی اے جیندے اچ ہکو جھیں دلچسپی دے معاملیاں،ڈدوطرفہ تعلقات، تجارت، سرمایہ کاری اتے اقتصادی تعلقات تے گالھ مہاڑ کیتی گئی۔وزیر خارجہ شاہ محمود قریشی، وزیر خزانہ اسد عمر، وزیر اطلاعات فواد حسین، مشیرتجارت عبدالرزاق داود اتے سعودی عرب اچ پاکستان دے سفیر خان ہشام بن صدیق وی ایں موقع تے موجود ہن۔ وزیراعظم آفس دے بیان موجب وزیراعظم عمران خان دے سعودی فرمانروا دے محل آونڑ تے انہاں کوں گارڈ آف آنر پیش کیتا گئے اتے ڈوہاں ملکاں دے قومی ترانے وجائے گین۔ وزیراعظم عمران خان دا سعودی وفد نال تعارف کرایاگئے اتے شاہ سلمان دا تعارف پاکستانی وفد دے اراکین نال کرایا گیا۔
