اسلام آباد۔ 7ستمبر (اے پی پی) وزیراعظم عمران خان پانڑی دی گھٹکی کوں پاکستان دا ساریاں توں وڈا مسئلہ آکھدیں ہوئیں پی ایم۔ سی جے فنڈ برائے دیامر بھاشا اتے مہمند ڈیم بنڑاونڑ دا اعلان کریندیں ةوئیں سارے پاکستانیاں خصوصی طور سمندرپارپاکستانیاں توں اپیل کیتی اے جو او ڈیمز فنڈ اچ دل کھول کراہیں عطیات ڈیون۔80توں90لکھ دی تعداد اچ باہرلے ملک پاکستانی گھٹ توں گھٹ ہک ہزار ڈالر ایں فنڈ اچ بھیجن تاں اساں ڈے ڈیم بنڑاونڑ سانگے وی پیسہ جمع تھی ویسی،زرمبادلہ دے ذخائر اچ وی ودھارا تھی ویسی اتے اساکوں کہیں توں قرضہ وی کائنا گھنڑاں پمسی۔یقین ڈوینداں جو او قوم دے پیسے دی خود حفاظت کریسن۔انہاں اے گالھ جمعہ دی شام پانڑی دی گھٹکی اتے ڈیمز بنڑاونڑ بارے قوم دے ناں نشریاتی سنھیے اچ آکھی۔وزیراعظم آکھیا جو انہاں پاکستان دی عوام نال وعدہ کیتا ہئی جو او ملک دے سارے مسئلیاں کوں سامنڑے رکھیسن اتے انہاں کوں ہر چیز بارے ڈسیسن۔وزیراعظم آکھیا جو گزریل ڈو ہفتے توں او ملک دے معاشی حالات،قرضیاں دی صورتحال،توانائی دے مسئلہ،خارجہ پالیسی سمیت مختلف شعبیاں اچ بریفنگز گھندے پئن ۔انہاں آکھیا جو ایں وچ کوئی شک کائنی جو ملک کوں کئی چیلنجز دا سامنڑاںاے،ڈاہ سال پہلے چھی ہزار ارب روپے دا قرضہ ہئی جیڑھا جو ہنڑ 30ہزار ارب روپے تئیں پج گئے ۔انہاں آکھیا جو جڈاں پاکستان آزاد تھیا ہئی تاں ہر پاکستانی دے حصے اچ پنج ہزار 600کیوسک پانڑی امدا ہئی جیڑھا جو اج صرف ہک ہزار کیوسک فی کس رہ گئے ۔وزیراعظم آکھیا جو پاکستان اچ پانڑی دے ذخیرہ دی گنجائش صرف30ڈینھ اے جڈانجو بھارت اچ اے 90ڈینھ اتے مصر اچ ہک ہزار ڈینھ دی اے اتے دنیا سمجھدی اے جو 120ڈینھ دا ذخیرہ ہوونڑاں چاہیدے۔
