اسلام آباد ۔ 4 ستمبر (اے پی پی)وزیراعظم عمران خان پٹرولیم ڈویژن کوں ملک اچ گیس چوری کوں روکنڑ سانگے جامع منصوبہ ڈیونڑ دی ہدایت کیتی ہے جیندی بنیاد اُتے قومی خزانے کوں سالانہ 50ارب دا نقصان چاونڑاں پوندا پئے ۔ انہاں اے ہدایت منگل کوں وزیراعظم آفس اچ تیل تے گیس دے شعبہ بارے ہک بریفنگ دی صدارت کریندے ہوئیں ڈتی ۔ وزیرپٹرولیم غلام سرور خان ، ایڈیشنل سیکرٹری انچارج پیٹرولیم ڈویژن میاں اسعد حیا الدین اتے سینئر سرکاری افسراں اجلاس اچ شرکت کیتی ۔ ایڈیشنل سیکرٹری انچارج پٹرولیم ڈویژن وزیراعظم کو ں ملک اچ گیس اتے تیل دے شعبہ اچ طلب اتے رسد دی صورتحال بارے تفصیل نال ڈسایا ۔ وزیراعظم کوں ”تاپی “ اتے پاک ایران گیس پائپ لائن دی تعمیر اتے فعالیت اُتے اگوہیں دے نال نال بئے اہم منصوبیاں بارے دی ڈسایا گیا، جیہڑے جو ملک دی ودھدی ہوئیں توانائی دی لوڑ کوں پورا کرنڑ سانگے زیر غور ہن ۔ انہاں گیس دی فروخت دیاں قیمتاں کوں معقول بنڑاونڑ ، قابل وصول رقوم دی بازیابی ، پالیسیاں اُتے عدم عملدرآمد اتے انہاں اچ ولا ولا تبدیلی جیندے نتیجے اچ سرمایہ کاراں دے اعتماد کوں ٹھیس پجسی ، گزریل پنج سالیں اچ تیل تے گیس دی تلاش دے بلاکس ایوارڈ نہ کرنڑ سمیت مختلف مسلیاں اُتے وی گالھ مہاڑ کیتی ۔
