اسلام آباد ۔ 4 ستمبر (اے پی پی) وزیراعظم عمران خان نال جاپان پاکستان پارلمیانی فرینڈ شپ لیگ دے وفد چیئرمین سیشیرو ایٹو دی قیادت اچ ملاقات کیتی۔او گزریل پارلیمانی وفد دے رلے ترائے ڈینھ دے دورے تے پاکستان پجیے ہن ۔انہاں وزیراعظم کوں ملک اچ جمہوری عمل دے تسلسل اتے وزارت عظمیٰ دا عہدہ سانبھنڑ تے مبارک ڈتی ۔انہاں آکھیا جو جاپان پاکستان نال آپسی اعتماد تے قائم ڈو پاسہ تعلقات کوں بئیا ودھاونڑ دی خواہش رکھیندے۔وزیراعظم وفد دا خیر مقدم کیتا۔ایں موقع تے پارلیمانی وفود دے تبادلیاں اتے ڈوپاسہ تعلقات اچ ارکان پارلیمنٹ دے کردار دی اہمیت تے اتفاق کیتا گئیا۔وزیراعظم پاکستان اتے جاپان اچ ڈو پاسہ تعلقات اچ مثبت پیش رفت کوں سراہیا اتے جاپان دی ترقیاتی سانجھے داراں دے طور اہمیت دا اعتراف کیتا۔
