مکة المکرمہ ۔ 19ستمبر (اے پی پی) وزیراعظم عمران خان بدھ دی سویل اپنڑے وفد دے رلے عمرے دی سعادت حاصل کیتی ، روضہ رسولتے حاضری ڈتی تے پاکستان اچ امن تے ترقی اتے خوشحالی سانگے دعا منگی ۔ وزیر اعظم جیرھے جو سعودی عرب اتے متحدہ عرب امارات دے ڈو ڈینھ دے دورے تے گن انہاں گزریل ڈینھ روضہ رسول تے حاضری ڈتی ۔ وزیرا عظم عمرے دی ادائیگی سانگے بیت اللہ شریف پجے تاں بیت اللہ دا دروازہ خصوصی طور تے وزیر اعظم اتے انہاں دے وفد سانگے کھول ڈتا گیا ۔ وزیراعظم دے وفد اچ وزیر خارجہ شاہ محمود قریشی، وزیر خزانہ اسد عمر، وزیر اطلاعات و نشریات چوہدری فواد حسین اتے مشیر تجارت عبدالرزاق داﺅد شامل ہن۔ وزیراعظم عمران خان وفد دے رلے بیت اللہ اچ داخل تھے ،انہاں نفل پڑھیے تے پاکستان تے عالم اسلام دی سلامتی تے خوشحالی سانگے دعا منگی ۔
