وزیراعلیٰ پنجاب نال ڈپٹی سپیکرپنجاب اسمبلی دی ملاقات ، جنوبی پنجاب دی ترقی تے خوشحالی سانگے عزم ،جنوبی پنجاب دے تعلیمی اداریاں اتے ہسپتالاں اچ بہتری گھن کراہیں حقیقی تبدلی اچ بدلسوں،وزیراعلیٰ پنجاب
لاہور۔13 ستمبر(اے پی پی )وزیراعلیٰ پنجاب سردار عثمان بزدار نال ڈپٹی سپیکر پنجاب اسمبلی دوست محمد مزاری ملاقات کیتی۔وزیراعلیٰ آفس اچ تھیونڑ آلی ملاقات اچ جنوبی پنجاب دی ترقی تے خوشحالی سانگے عزم کیتا گئیا۔وزیراعلیٰ پنجاب سردار عثمان بزدار آکھیا جو جنوبی پنجاب دی ترقی سانگے دعوے نہ عملی کم کریسوں اتے وزیراعظم عمران خان دے وژن دے مطابق جنوبی پنجاب دی عوام کوں ترقی دے سفر اچ رلا کراہیں ٹرسوں۔جنوبی پنجاب دی محرومیاں کوں دور کریسوں اتے جنوبی پنجاب دے تعلیمی اداریاں اتے ہسپتالاں اچ بہتری گھن کراہیں حقیقی تبدلی اچ بدلسوں۔انہاں آکھیا جو ترقی پنجاب دے ہر شہر اتے ہر قصبے دا حق اے۔انہاں آکھیا جو تحریک انصاف دی حکومت جنوبی پنجاب دے صوبے سانگے عملی کم کریندی پئی اے اتے اساں جنوبی پنجاب کوں ترقی دے سفر اچ شامل کریسوں۔
