وزیرِ اعظم عمران خان دی صدارت اچ سمگلنگ اتے حوالہ ہنڈی کوں روکنڑ بارے اجلاس،سیکرٹری کامرس اتے ایف بی آر دی سمگلنگ اتے حوالہ ہنڈی نال قومی معیشت کوں تھیونڑ آلے نقصانات بارے تفصیلی بریفنگ
اسلام آباد ۔ 3 ستمبر (اے پی پی) وزیرِ اعظم عمران خان دی صدارت اچ سمگلنگ اتے حوالہ ہنڈی کوں روکنڑ بارے وزیراعظم آفس اچ اعلیٰ سطح دے اجلاس دی صدارت کیتی۔اجلاس اچ وزیرِ خزانہ اسد عمر، وزیرمملکت برائے داخلہ شہریار آفریدی، وزیرِ اعظم دے مشیر برائے ادارہ جاتی اصلاحات ڈاکٹر عشرت حسین، معاون خصوصی برائے احتساب مرزا شہزاد اکبر، معاون خصوصی برائے سیاسی امور نعیم الحق، سیکرٹری خزانہ، سیکرٹری داخلہ، سیکرٹری کامرس، اٹارنی جنرل، گورنر اسٹیٹ بنک، چئیرمین ایف بی آر، ڈی جی ایف آئی اے اتے بئے اعلیٰ افسر شریک تھیے ۔سنوار کوں وزیراعظم آفس ولوں جاری بیان دے مطابق اجلاس اچ سیکرٹری کامرس اتے ایف بی آر دی سمگلنگ اتے حوالہ ہنڈی نال قومی معیشت کوں تھیونڑ آلے نقصانات بارے تفصیلی بریفنگ ڈتی۔ایں موقع تے اجوکے قوانین اچ ضروری ترامیم گھن آونڑ سانگے اٹارنی جنرل دی سربراہی اچ کسٹم، اسٹیٹ بنک، ایف بی آر اتے ایف آئی اے دے نمائندیاں تے مشتمل کمیٹی بنڑائی گئی اے اتے فیصلہ کیتا گئیا جو اے کمیٹی آندے ہک ہفتے اچ اپنڑی سفارشات وزیراعظم کوں پیش کریسی۔
