اسلام آباد ۔23 ستمبر(اے پی پی) وزیر اعظم عمران خان دی سعودی عرب دے قومی ڈینہہ تے قوم ولوں سعودی فرمانروا اتے سعودی عوام کوں مبارکباد دیندے آکھیے جوسعودی عرب دی تعمیر و ترقی اتے استحکام ہر پاکستانی دے دل دی آواز اے، سعودی عرب دی مضبوطی عالم اسلام دی مضبوطی اے۔اپنڑے سنیہڑے اچ وزیر اعظم عمران خان آکھیے جو پاکستان اتے سعودی عرب دے عوام مذہب وبھرا بھرپی اچ بدھیے ہوئن،ہر اوکھ سوکھ اچ ڈوہاں ملکاں ہک بئے دا ہتھ ونڈائے،پاکستانی حکومت اتے عوام ایں جذبے کوں بہوں قدر نال ڈیہدن۔انہان آکھیے جو انہاں دے دورہ سعودی عرب نال ڈو طرفہ تعاون دے نویں در کھلینجیندا فیدہ پورے خطے کوں تھیسی۔وزیر اعظم خادمین حرمین شریفین، ولی عہد شہزادہ محمد بن سلمان اتے شاہی خاندان کیتے نیک خواہشات دا اظہار کیتے۔
