نیویارک۔ 29 ستمبر:وزیر خارجہ شاہ محمود قریشی آکھیے جو مسئلہ کشمیر گزریل 70 سالاں توں انسانیت دے متھے تے بدنما داغ ہے، پاکستان دا مشرقی ہمسایہ دہشت گرداں دی مالی مدد اتے منصوبہ بندی اچ حمایت فراہم کر یندا پئے، بھارت دے نال بامقصد مذاکرات سانگے تیار ہسے، پاکستان اپنڑے قومی مفادات اتے ملکی سلامتی تے کہیں قسم دی سودے بازی کائناں کریسی ، علاقائی ملکاں دے نال آپس اچ عزت تے احترام دی بنیاد تے تعلقات بحال کرنڑچاہندوں، گستاخانہ خاکیاں نال سارے مسلماناں دی دل آزاری تھئی، تہذیباں وچال مکالمے دی حمایت کریندوں، ہک ملک دی ہٹ دھرمی سارک کوں غیر فعال بنڑا ڈتے ، افغانستان اتے پاکستان غیر ملکی غلط فہمیاں دا نشانہ بنڑن، پاکستان کنوں ملک اچ بھارتی دہشت گردی تے انتشار کھنڈاونڑ دے ناقابل تردید شواہد موجود ہن، پاکستان پشاور اچ سکول دے بالاں تے حملے، مستونگ اچ بم دھماکے دے ذمہ داراں، سمجھوتہ ایکسپریس اچ بے گناہ پاکستانیاں دی شہادت کوں کڈاہیں کائناں بھلسوں، ملک دے دفاع سانگے گھٹ توں گھٹ دفاعی صلاحیت برقرار رکھیسوں۔ ہفتہ کو ںاقوام متحدہ دی جنرل اسمبلی دے سالانہ 73 ویں اجلاس نال خطاب کریندے ہوئیں وزیر خارجہ شاہ محمود قریشی آکھیے جو ڈو مہینے پہلے پاکستان دے عوام جمہوری حق دااستعمال کرتے امور اتے گورننس اچ چنگائی دا فیصلہ کیتا، عوام ہک ایجھا پاکستان سانگے اپنڑی رائے ڈتی جیرھا جو اعتماد، درد مند، بے باک اتے امن پسند ہے اتے جیرھا جو اصولیں تے ٹردا پئے، ہک ایجھا پاکستان ہے جیرھا جو اقوام عالم دے نال برابری دی بنیاد تے تعلقات رکھنڑ چاہندے، ہک ایجھا پاکستان جیرھا جونظریاتی یگانگت اتے اقوام عالم دے نال رل مل تے نویں ہدف حاصل کرنڑ سانگے کوششاں داحمایتی ہے، پاکستان اپنڑے قومی مفاد اتے ملکی سمجھوتہ تے کہیںقسم دی سودے بازی کائناں کریسی ، پاکستان علاقائی ملکان دے نال آپس اچ عزت اتے احترام دی بنیاد تے تعلقات بحال کریسی اتے وعدے نبھاونڑ اتے نویاں جہتاں لبھنڑ سانگے کوششاں کریندا راہسی ، عوام دی قیادت اچ اساں نویںپاکستان دی بنیاد رکھی ہے۔ وزیر خارجہ آکھیا جو اج دنیا دوراہے تے کھڑی ہے، اندھی بے لگام طاقتاںمتحرک ہن جڈاں جو نویاں راہیں دا تعین کرنڑ دی بجائے نفرت دیاں فصلاں کھڑیاں ہن۔سامراجیت دیاں نویاں جہتاں پراون چڑھدیاں پن اتے تجارتی جنگ دے گھاٹے بدل آسمان تے نمودار ہن ،دنیا اچ پروٹیکشن ازم،پاپولزم اتے آئسولیشن دیاں طاقتاں غالب نظردیاں پن۔صبر اتے برداشت دی جاءتے تشدد کوں ودھارا ملدا پئے۔ماحولیاتی تبدیلیاں پاروں بیماریاں کھنڈیاں پن اتے ود ھ سارے مسئلیاں دا سامنڑاں ہے۔بین الاقوامی سطح تے اتفاق دی جاءنفرتاں گھن گھدی ہے،وزیر خارجہ آکھیے جو فوری سوالیں آلی ترقی اساڈا نقطہ نظر اے۔چین دا بیلٹ اینڈ روڈ دا انیشی ایٹووایندی واضح مثال اے۔پاک چین اقتصادی راہداری پاکستان دی جغرافیائی اہمیت کوں ثمرات اچ بدل ڈیسی۔ ، مسئلہ فلسطین اج وی اپنڑین جاءتے موجود ہے، مہذب قوماںاچ متعصبانہ سوچ پروان چڑھدی پی ہے۔ وزیر خارجہ آکھیا جو گستاخانہ خاکیاں دے مقابلیاں دے اعلان نال سارے مسلماناں دی دل آزاری تھئی اتے انہاں دے جذبات کو ٹھیس پجی، پاکستان تہذیباں وچال مکالمے دے فروغ دا حمایتی ہے اتے اسا ںبین المذاہب ہم آہنگی سانگے کم کریندے راہسوں ، تبدیلی دے اں سفر اچ پاکستان اقوام متحدہ دے نال سانجھداری ودھاونڑ دی خوہش رکھیندے ۔ وزیر خارجہ آکھیے جو پاکستان سلامتی کونسل اچ اصلاحات دا حامی ہے اتے اینکوںبیا جمہوری، شفاف، غیر جانبدارانہ اتے موثر ڈیکھنڑ چاہندے ، امتیازی سلوک دی مخالفت کریندوں۔ انہاں آکھیا جو پاکستان سلامتی کونسل اتے انسانی حقوق کونسل دا کئی واری رکن رہے جیرھا جوپاکستان تے عالمی برادری دے اعتماد دا اظہار ہے، پاکستان ہمیشہ حق خودارایت دی حمایت کیتی ہے۔ انہاں جنوبی افریقہ دے حریت پسند رہنما نیلسن منڈیلا کو ںخراج عقیدت پیش کریندے ہوئیں آکھیا جو منڈیلا ڈھگ ساریاں قربانیاں ڈتیاں ہن، انہاں دے انسانیت یاری دے جذبات کوں ودھاونڑ چاہیدے۔ بین الاقوامی امن و استحکام سانگے پاکستان دیاں کوششاں دا ذکر کریندے ہوئیں وزیر خارجہ آکھیا جو پاکستان بین الاقوامی امن سانگے اقوام متحدہ دی امن فورس بنراونڑ سانگے سرفہرست ہے، پاکستان پیس مشن دا میزبان وی ہے، اساکوں انہاں قربانیاں تے فخر ہے جیرھیاں پاکستان دے بلیو ہیلمٹ ا من مشن اچ مختلف ملکاں اچ خدمات دوران ڈتیاں ہن۔ وزیر خارجہ آکھیا جو پاکستان بھارت نال برابر دے تعلقات بنراونڑ دا خواہاں ہے، اقوام متحدہ دے حالیہ اجلاس دوران پاکستان متوقع ملاقات ہک چنگاموقع ہا تاں جومنفی رویئے دی وجہ نال مودی حکومت ایہ موقع گوا چھوڑے، بھارت ایجھا عذر پیش کیتے جیرھا جو بہوں پرانراں ہا ، خطے اچ قیا م امن سانگے ڈوہائیں دونوں ملکاں وچال مذاکرات ہکو رستہ ہن ۔ انہاں آکھیے جومسئلہ کشمیر دا حل نہ ہونڑ خطے اچ قیام امن اچ ساریاں توں وڈی رکاوٹ ہے، جداسں تئیں ایہ مسئلہ حل نی تھیندا خطے اچ پائیدار امن قائم نی تھی سگدا۔ انہاں آکھیے جو 70سال توں ایہ مسئلہ انسانیت دے متھے تے بدنما داغ ہے اتے کشمیری دہائیاں توں انسانی حقوق دی پامالی برداشت کریندے پن۔ انہاں آکھیا جو مقبوضہ کشمیر اچ انسانی حقوق دیاں خلاف ورزیاں دے حوالے نال اقوام متحدہ دی حالیہ رپورٹ دا خیر مقدم کریندوں جیندے اچ بھارتی مکروہ چہرے دا راز فاش کر ڈتا گئے،انہاں اساڈے اصولی موقف کوںوی سچ ثابت کیتے۔ وزیر خارجہ آکھیا جو ایں رپورٹ دیاں سفارشات تے وختی عملدرآمد یقینی بنرایا ونجے اتے ذمہ داراں دا تعین کیتا ونجے، مقبوضہ کشمیر اچ انسانی حقوق دیاںخلاف ورزیاں دی تحقیقات سانگے انکوائری کمیشن ناگزیر ہے، اساںآزاد کشمیر اچ ایںکمیشن دا خیر مقدم کریسوں اتے اساکوں امید ہے جو بھارت وی ایں کمیشن کوں قبول کریسی، توقع ہے جو بھارت کمیشن کوں قبول کریسی۔ انہاں آکھیا جوبھارت ہمیشہ توںلاائن آف کنٹرول تے جنگ بندی دی خلاف ورزیاں کر یندے، اساں ہمیشہ صبر دا مظاہرہ کیتے، اساڈے صبرداامتحان نی گھنڑ چاہیدا، اگر بھارت جنگی منصوبہ تے عمل کرنڑ دی کوشش کیتی تاں پاکستان ولوں بھرپور ردعمل دااظہار تھیسی، جنوبی ایشیاءاچ غیر یقینی دی صورتحال ہے، کجھ طاقتاں ولوں جدید اسلحے دی فراہمی اتے جارحانہ عسکری رویہ خطے اچ قیام امن دی راہ اچ رکاوٹ ہے، ایجھی صورت اچ پاکستان سانگے گھٹ وگھٹ دفاعی صلاحیت برقرار رکھنڑناگزیر ہے، بھارت دے نال اعتماد سازی اقدامات اتے بامقصد مزاکرات سانگے تیار ہسے،اساں گزریل کجھ سالاں تو ںجنوبی ایشیاءاچ سٹریٹجک ریسٹرین رجیم سانگے کوشش کر یندے پئے ہسے۔ وزیر خارجہ آکھیا جو پاکستان خطے دی ترقی اتے خوشحالی سانگے کوششاں کریندا رہے، جنوبی ایشیاءاچ ہک ملک دی وجہ نال جنوبی ایشیائی ملکاں دی علاقائی تنظیم سارک کوں غیر فعال بنڑا ڈتا گئے، پاکستان ہک فعال اتے موثر سارک دی حمایت کریندے، افغانستان اتے پاکستان غیر ملکی غلط فہمیاں دا نشانہ بنڑدے رہے ہن، افغانستان دی 17 سالہ جنگ کوں عسکری ذرائع نال ختم نی کیتا ونج جا سگدا ،ا یہ ہک منی ہوئی حقیقت ہے جینکوں ہنڑ عالمی برادری وی مندی پی ہے، افغانستان اچ داعش دا کھنڈنڑ پاکستان اتے خطے سانگے تشویش آلاہے، پاکستان افغانستان اچ قیام امن دیاں کوششاں دی حمایت کریندے ، پاکستان افغانستان اچ امن سانگے بہوںکم کیتے، حال اچ افغانستان پاکستان ایکشن پلان برائے امن تے استحکام نال نویں سرے توں کوششاں شروع تھئیاں، تاں جو ایہ ہک حقیقت ہے جوپاکستان لمبے عرصہ توں پناہ گزیناں دی آماجگاہ بنڑیا ہوئے، جیندی انسانی تریخ اچ مثال نی ملدی، این ویلھے دنیا اچ کئی ملکاںپناہ گزیناں کوں پناہ ڈیونڑ توں انکاری ہن، افغان مہاجراں دی وجہ نال پاکستان دی سیکورٹی تے ایندے براہ راست اثرات پوندن ،اساں افغان مہاجراں دی وختی ، باعزت اتے رضا کارانہ وطن واپسی دے خواہشمند ہسے ، ملک کوں گزریل 17 سالاں توں دہشت گردی داسامنڑاں کرنڑ پوندے، پاکستان دیاں سیکورٹی فورسز اتے عوام دیاں کوششاں نال دہشت گردی دا زور ترٹ گئے، اساں ڈو لکھ فوج دی مدد نال کامیاب آپریشن کر تے دہشت گردی دا زور تروڑے، اج اساڈے شہراں اتے قصبیں دیاں روشنیاں واپس آندیاں پن ، نیشنل ایکشن پلان تحت ہک حکمت عملی تے کم تھیندا پئے۔ وزیر خارجہ آکھیا جوپاکستان دامشرقی ہمسایہ دہشت گرداں دی مدد کریندا پئے، پاکستان پشاور اچ سکول دے بالاں تے حملے، مستونگ اچ بم دھماکے دے ذمہ داراں، سمجھوتہ ایکسپریس اچ بے گناہ پاکستانیاں دی شہادت کوں کڈاہیں کائناں، افسوس ہے جو سمجھوتہ ایکسپریس دے سارے ذمہ داران اج آزاد گھمدے پھردن ، پاکستان دہشت گرداں دی سرپرستی دے ناقابل تردید شواہد اقوام متحدہ کوں ڈے ڈتے ہن، کلبھوشن یادیو دی گرفتاری اتے انہان دے ناقابل تردید بیانات پاکستان دے اندر دے معاملات اچ مداخلت دے واضح ثبوت ہن۔ وزیر خارجہ آکھیا جو وختی ثمرات آلی ترقی اساڈا نظر یہ ہے، چین بیلٹ اینڈ روڈ انیشی ایٹو دی واضح مثال ہے، پاک چین اقتصادی راہداری پاکستان دی جغرافیائی اہمیت کو ںاقتصادی ثمرات اچ بدلنڑ اچ اہم کردار ادا کریسی، ایندے ذریعے مشرق وسطیٰ اتے وسطیٰ ایشیاءاتے چین کو ںسمندر تئیں رسائی ڈتی ویسی۔ انہاں آکھیا جو اقوام متحدہ بین الاقوامی معاملات کوں حل کرنڑ سانگے سفارتکاری اتے مذاکرات دا بہترین پلیٹ فارم ہے،اینکوںبیا موثربناونر سانگے تجویزاں پیش کریندے ہوئیںآکھیا جو یو این سسٹین ایبل بورڈ کوں عملی جامہ پواونڑ پوسی۔ وزیر خارجہ آکھیا جو بدعنوانی ہک وڈا جرم ہے اینکوں منڑ آلے اتے سہولے ڈیونڑ آلے مجرم ہن، وقت آ گئے جو لوٹی ہوئی دولت کوں عوام کوں واپس کیتی ونجے اتے کرپشن دے ذمہ داراں اتے سہولت کاراں کوں کیفر کردار تئیںپجایا ونجے ۔ وزیر خارجہ آکھیا جو ماحولیاتی تبدیلی ہک وڈا سنگین عالمی مسئلہ ہے، ماحولیاتی آلودگی اچ اگرچہ پاکستان دا حصہ بہوں گھٹ تاں جو ایندے توں متاثرہ ملکاں اچ پاکستان سرفہرست ہے، پاکستان ایں مسئلے نال نبڑن سانگے عملی اقدامات کر یندا پئے، خیبرپختونخوا اچ گزریل پنج سالاں اچ ہک منصوبے کوں کامیابی نال مکمل کیتا گیا جڈاں جو آندے پنج سالاں اچ 10 ارب درخت لاتے ویسن ۔ انہاں آکھیا جو سٹریٹجک شئیں دی تجارت دی رکنیت اچ شفافیت اتے غیر جانبداری کوں یقینی بنڑا یا ونجے ، انوویشن اتے ٹیکنالوجی داملکاں دی ترقی اچ اہم کردار ہے ،ایجھا عالمی ادارے بنڑائے ونجنڑ ،جیرھا جو سائبر کرائم اتے خلاءاچ جنگ کوں روکنڑ دا مقابلہ کر سگنڑ۔ انہاں آکھیا جو امن تحفظ اتے ترقی عالمی اتفاق رائے سانگے ضروری ہے، پاکستان انہاں مقاصد کوں حاصل کرنڑ سانگے ہک فعال رکن دی حیثیت نال اپنڑاں کردار ادا کریندا راہسی۔ انہاں آکھیا جووقت اجتماعی سوچ دا متقاضی ہے، اج پیلٹ گن نال زخمی کشمیری، بے بس شامی، مظلوم فلسطینی انہاں ساریاں دیاں نگاہواںایںایوان آلے پاسے ویکھدیاں پن،اساکوں رل مل تے انہاں دیاں امیداں کوں روشن کرنڑ چاہیدے ۔
