اقوام متحدہ ۔ 27 ستمبر (اے پی پی) پاکستان اتے سعودی عرب دے وزرائے خارجہ ڈوہائیں ملکاں وچال ودھدے ہوئے تعلقات تے اطمینان دا اظہار کیتے۔ نیویارک اچ اقوام متحدہ دی جنرل اسمبلی دے73ویں اجلاس دے موقع تے وزیر خارجہ شاہ محمود قریشی اتے سعودی وزیر خارجہ عادل بن الجبیردی ملاقات تھئی۔ ڈوہائیں وزرائے خارجہ گزریل ہفتے وزیراعظم عمران خان دے کامیاب دورہ سعودی عرب دے موقع تے ڈوہائیں ملکاں دی قیادت دے علاقائی اتے عالمی مسلیں تے ہم آہنگی داذکر کریندے ہوئیں اتفاق کیتے جو آپس اچ تعاون دے چنگے نتیجے حاصل کرنڑ سانگے رابطے دے عمل کو ںجاری رکھیا ویسی۔ وزیر خارجہ شاہ محمود قریشی وزیراعظم عمران خان دے سعودی عرب دے دورہ دے موقع تے خادم الحرمین شریفین شاہ سلمان اتے ولی عہد محمد بن سلمان ولوں شاندار مہمان نوازی تے نیک جذبات دا اظہار کیتے۔ ڈوہائیں وزرائے خارجہ ڈوطرفہ تجارت، کاروبار اتے سرمایہ کاری کوں ودھارا ڈیونڑ سانگے آپس اچ رابطے کوں ودھاونڑ تے اتفاق کیتے۔
