خطے اچ امن اتے استحکام کوں یقینی بنڑاونڑ دا ہکو رستہ مذاکرات ہن ،بھارت نال امن چاہندوں،کہیں وی جارحیت نال نبڑنڑ دی صلاحیت رکھیندوں،افغانستان اچ امن تے استحکام سانگے ہک جامع طرز عمل دی لوڑھ اے،نویں حکومت اوہو کم کریسی جیڑھا جو پاکستان دے فائدے اچ ہوسی، وزیر خارجہ شاہ محمود قریشی دی واشنگٹن اچ پاکستانی سفارتخانے اچ صحافیاں کوں بریفنگ
واشنگٹن۔ 24 ستمبر (اے پی پی)وزیر خارجہ شاہ محمود قریشی آکھیا جو خطے اچ امن اتے استحکام کوں یقینی بنڑاونڑ دا ہکو رستہ مذاکرات ہن ،بھارت نال امن چاہندوں،کہیں وی جارحیت نال نبڑنڑ دی صلاحیت رکھیندوں،افغانستان اچ امن تے استحکام سانگے ہک جامع طرز عمل دی لوڑھ اے،نویں حکومت اوہو کم کریسی جیڑھا جو پاکستان دے فائدے اچ ہوسی۔وزیرخارجہ اے گالھیں پاکستانی سفارتخانے اچ صحافیاں کوں بریفنگ ڈیندیں ہوئیںآکھی۔وزیرخارجہ 29ستمبر کوں اقوام متحدہ دی جنرل اسمبلی توں خطاب کریسن۔انہاں آکھیا جو پاکستان اتے امریکا اچ جاری گالھ مہاڑ اچ تعلقات اچ سرد مہری دے خاتمہ،بھارت نال تعلقات اتے جنگ توں متاثرہ افغانستان اچ امن سانگے کیتی ونجنڑ آلی کوششاں بارے گالھ مہاڑ کیتی۔وزیر خارجہ شاہ محمود قریشی اپنڑے امریکی ہم منصب مائیک پومپیونال 2 اکتوبر کوں ملاقات کریسن۔
