اسلام آباد۔ 28 ستمبر (اے پی پی) وفاقی وزیرخزانہ، ریونیو تے اقتصادی امور اسدعمر آکھا جو ملکی معیشت دی حالت ایں ویلھے خراب اے جڈانجو اساڈی کوششاں نال اے جلدی بہتر تھی ویسی،معیشت بہتر تھیسی تاں عوام کوں وی ریلیف ملسی،آئی ایم ایف دے نال معمول دے جائزہ مشن دے مذاکرات تھیندے پئن ،نواں قرض گھنڑ دا پروگرام کائنی،ٹیکس نظام اچ اصلاحات گھن آونڑ اتے ٹیکس دہندگان دی سہولت سانگے حکومت ٹیکس پالیسی اتے ٹیکس جمع کراونڑ دے نظام کوں انج کریندی پئی اے ،ٹیکس پالیسی بورڈ اچ وی تاجر برادری کوں نمائندگی ڈتی ویسی۔وزیر خزانہ آئی ایم ایف نال مذاکرات بارے آکھیا جو آئی ایم ایف نال جائزہ مشن دے مذاکرات تھیندے پئن جیڑھا جو معمول دا حصہ ہن ۔آئی ایم ایف توں فی الحال قرضہ گھنڑ دا کوئی پروگرام کائنی ۔
