وفاقی وزیر اطلاعات تے نشریات چوہدری فواد حسین دی سیکٹر جی 13 اچ سی ڈی اے دے غیر قنونی تجاوزات دے خلاف جاری آپریشن دے دورے دے موقع تے میڈیا نال گالھ بات

APP15-08 ISLAMABAD: September 08 – Federal Minister for Information and Broadcasting Chaudhry Fawad Hussain talking to media during anti-encroachment operation against encroachers on the greenbelt of Sector G-12. APP photo by Saleem Rana

اسلام آباد ۔ 8ستمبر (اے پی پی)وفاقی وزیر اطلاعات تے نشریات چوہدری فواد حسین آکھیے جو حکومت فیصلہ کیتے جو وناجائز تجاوزات ختم کر تے سرکاری زمین چھڑائی ویسی، وفاقی دارالحکومت اچ ناجائز تجاوزات دے خلاف جاری آپریشن دا پہلا مرحلہ محرم الحرام توں پہلے مکمل کر گھدا ویسی ایندے بعد لہور اتے بئے شہراں اچ وی تجاوزات دے خلاف آپریشن کیتے ویسن ، سی ڈی اے تجاوزات دے خلاف آپریشن شروع کرنڑ توں پہلے سارے قنونی تقاضے پورے کیتے ہن۔وزیراعظم عمران خان جلد کراچی دا دورہ کریسن، اتھاں وختی صفائی مہم شروع کیتی ویسی ، کراچی دے عوام تحریک انصاف کوں ساریاں توں وڈا مینڈیٹ ڈتے۔ ہفتے کوں جی 13 اچ سی ڈی اے ولوں غیر قنونی تجاوزات دے خلاف جاری آپریشن دے دورے دے موقع تے میڈیا نال گالھ بات کریندے ہوئیں وفاقی وزیر اطلاعات آکھیا جو حکومت فیصلہ کیتے جو ناجائز تجاوزات ختم کر تے سرکاری زمین چھڑائی ویسی، لہور اتے بئے شہراں اچ تجاوزات دے خلاف کارروائی تھیسی۔ انہاں آکھیاجو اسلام آباد دے جی 13 سیکٹر اچ انہاں غیر قنونی عمارتاں دے خلاف کہیں حکومت کوئی کارروائی نی کیتی، ایں آپریشن نال حکومت کوں 50توں سٹھ ارب روپے دی سرکاری زمین چھڑائی ویسی ، سی ڈی اے پہلے مرحلے اچ 2 کلومیٹر داعلاقہ غیر قنونی قبضہ مافیا توں خالی کراونر سانگے آپریشن شروع کیتے جیرھا جو محرم الحرام توں پہلے مکمل کر گھدا ویسی۔تجاوزات دے خلاف آپریشن دا ڈوجھا مرحلہ محرم دے بعد شروع تھیسی۔ انہاں آکھیا جو قابضین توں علاقہ خالی کراونڑ توں پہلے ساری قنونی کارروائی پوری کیتی گئی، انہاں کوں نوٹس بھجوائے گئے، حکومت دی عملداری نافذ کرنڑ سانگے ا یہ آپریشن کیتا ویندا پئے، ڈوجھے مرحلے اچ ایندے توں وی زیادہ طاقت نال محرم الحرام دے بعد قابضین دے خلاف کارروائی تھیسی، غیر قنونی قابضین کوں خبردار کرنڑ چاہندوں جو اوہ خود سرکاری زمین خالی کر ڈیونڑ۔ انہاں آکھیا جو ایں عمل نال پاکستان دے عوام کوں فائدہ پجسی، ہک پاسے عوام توں آبی ذخائر بنراونڑ سانگے فنڈز گھدے ویندے پن اتے دوجھے پاسے سرکاری زمین تے قبضے ہونڑ، ایہ قبول کائنی۔ وفاقی وزیر ہک سوال دے جواب اچ آکھیا جو وزیراعظم عمران خان جلد کراچی دا دورہ کریسن، کراچی اچ وختی صفائی مہم شروع کیتی ویسی، کراچی دے عوام تحریک انصاف کو ں ساریاںتوں وڈا مینڈیٹ ڈتے۔ ہک بئے سوال دے جواب اچ انہاں آکھیا جو سرکاری زمین دا قبضہ چھڑا گھنوں ایندے بعد جنہاں دی مرضی نال ا یہ قبضے تھئے انہاں دے خلاف کارروائی کیتی ویسی۔ انہاں آکھیا جو ملک چلاونر سانگے قنون دی عملداری یقینی بناونڑ پوسی۔