وفاقی کابینہ وزارت کیڈ کوں ختم کرنڑ ،،اورنج ٹرین ،راولپنڈی ،لاہور ،ملتان میٹرو بس منصوبیاںں دے آڈٹ ،ہک لکھ میٹرک ٹن یوریا کھاد درآمد کر نڑ، پی ٹی وی دے نویں بورڈ آف گورننس اتے بورڈ آف انویسمنٹ سانگے نویں چیئرمین دی تقرری دی منظوری ڈے ڈتی اے،وفاقی کابینہ ڈیمز سانگے چیف جسٹس دی کوششاں دی تعریف کیتی اتے اگوں ودھنڑ دا عزم کیتا،ڈیمز فنڈز کوں ٹیکس توں مستثنیٰ قرارڈیونڑ سانگے ا انکم ٹیکس آرڈیننس اچ ترمیم پارلیمنٹ اچ بھجوائی ویسی،پنجاب دی حکومت فیصلہ کریسی جو میٹروبس کوں چلاونڑ سانگے سالانہ اٹھ ارب روپے ڈے سگدی اے یا کائنا،وفاقی کابینہ دے ایجنڈے تے فنانس بل کائنا ہئی اتے نہ ای ایں دی منظوری تھئی اے،حکومت گیس اتے بجلی دے نرخاں اچ ودھارا کائنی کیتا اتے نہ ای تنخواہ دار طبقے تے کوئی ٹیکس لاتے،میڈیا کوں افواہیں دی بجائے خبر دی تصدیق دے بعد خبر نشر یا شائع کرنڑی چاہیدی اے،باہرلے ملکوں رقم واپسی گھن آونڑ سانگے خصوصی یونٹ بین الاقوامی فرانزک ماہرین دی خدمات گھنسی،وفاقی وزیر اطلاعات تے نشریات چوہدری فواد حسین دی وزیراعظم عمران خان دی صدارت اچ وفاقی کابینہ دے اجلاس دے بعد میڈیاکوں بریفنگ
اسلام آباد ۔ 13 ستمبر (اے پی پی)وفاقی وزیر اطلاعات تے نشریات چوہدری فواد حسین آکھیا جو وفاقی کابینہ وزارت کیڈ کوں ختم کرنڑ ،،اورنج ٹرین ،راولپنڈی ،لاہور ،ملتان میٹرو بس منصوبیاںں دے آڈٹ ،ہک لکھ میٹرک ٹن یوریا کھاد درآمد کر نڑ، پی ٹی وی دے نویں بورڈ آف گورننس اتے بورڈ آف انویسمنٹ سانگے نویں چیئرمین دی تقرری دی منظوری ڈے ڈتی اے،وفاقی کابینہ ڈیمز سانگے چیف جسٹس دی کوششاں دی تعریف کیتی اتے اگوں ودھنڑ دا عزم کیتا،ڈیمز فنڈز کوں ٹیکس توں مستثنیٰ قرارڈیونڑ سانگے ا انکم ٹیکس آرڈیننس اچ ترمیم پارلیمنٹ اچ بھجوائی ویسی،پنجاب دی حکومت فیصلہ کریسی جو میٹروبس کوں چلاونڑ سانگے سالانہ اٹھ ارب روپے ڈے سگدی اے یا کائنا،وفاقی کابینہ دے ایجنڈے تے فنانس بل کائنا ہئی اتے نہ ای ایں دی منظوری تھئی اے،حکومت گیس اتے بجلی دے نرخاں اچ ودھارا کائنی کیتا اتے نہ ای تنخواہ دار طبقے تے کوئی ٹیکس لاتے،میڈیا کوں افواہیں دی بجائے خبر دی تصدیق دے بعد خبر نشر یا شائع کرنڑی چاہیدی اے،باہرلے ملکوں رقم واپسی گھن آونڑ سانگے خصوصی یونٹ بین الاقوامی فرانزک ماہرین دی خدمات گھنسی۔خمیس کوں اے گالھیں انہاں وزیراعظم عمران خان دی صدارت اچ وفاقی کابینہ دے اجلاس دے بعد میڈیاکوں بریفنگ ڈیندیں ہوئیں آکھی۔انہاں ڈسایا جو اجلاس اچ بیگم کلثوم نواز دے انتقال تے مغفرت سانگے دعا وی کرائی گئی ۔ہک سوال دے جواب اچ انہاں آکھیا جو وزیراعظم ہاﺅس دی گاڈیاں دی نیلامی 17ستمبر کوں تھیسی ،کل ہفتہ کوں انہاں گاڈیاں دی انسپکشن تھی سگسی،ہیلی کاپٹرز دی نیلامی دا فیصلہ اجاں کائنی تھیا،ممکن اے جو ہیلی کاپٹر ایئر ایمبولینس سانگے این ڈی ایم اے کوں ڈتے ونجن،جڈانجو لوک منجھیں گھنڑ سانگے ضرور آون۔
