وفاقی وزیر اطلاعات تے نشریات چوہدری فواد حسین دی علی مانڈوی والا کو ں پاکستان ایڈورٹائزنگ ایسوسی ایشن دا چیئرمین منتخب تھیونڑ تے مبارخباد

اسلام آباد ۔30 ستمبر(اے پی پی)وفاقی وزیر اطلاعات تے نشریات چوہدری فواد حسین علی مانڈوی والا کوں پاکستان ایڈورٹائزنگ ایسوسی ایشن (پی اے اے) دے چیئرمین دا الیکشن جیتنڑ تے مبارخباد ڈتی ہے۔ اتوار کوں مبارخباد دے اپنڑے ہک پیغام اچ وفاقی وزیر آکھیا جوعلی مانڈوی والا دابطور چیئرمین انتخاب پی اے اے دے عہدیداراں اتے ارکاناں دا انہاں دی قیادت تے اعتماد دا اظہار ہے۔ انہاں آکھیے و حکومت ایڈورٹائزنگ شعبہ دی اہمیت توں واقف ہے اتے بیشہ وارانہ بنیادیں تے ایندے اچ چنگائی اتے ترقی دی خواہشمند ہے۔ وفاقی وزیر اطلاعات آکھیا جوایڈورٹائزنگ دے شعبہ دی ترقی پورے صنعتی شعبہ دی ترقی دے برابر ہے۔ چوہدری فواد حسین یقین ڈیوایا جو ماضی اچ اشتہاراں دے شعبہ اچ تھیونڑ آلا امتیازی سلوک ہنڑ مک ویسی ۔ انہاں توقع دا اظہار کیتے جوپی اے اے دے نویں منتخب تھیونڑ آلے چیئرمین ایسوسی ایشن دے ارکاناں اتے عہدیداراں دی توقعات تے پورے لہسن اتے ایڈورٹائزنگ شعبہ دی ترقی اچ اپنڑاں چنگا کردار ادا کریسن۔