اسلام آباد ۔ 7ستمبر (اے پی پی) وفاقی وزیر اطلاعات و نشریات چوہدری فواد حسین نال سعودی عرب دے سفیر نواف بن سید المالکی ملاقات کیتی جیں اچ ،سعودی وزیر اطلاعات ڈاکٹر عواد بن صالح العواد دے دورہ پاکستان دے حوالے نال گال بات کیتی گی ۔وفاقی وزیر چوہدری فواد حسین آکھیا جو سعودی عرب دے نال سانجھے اعتماد تے مبنی برادرانہ تعلقات استوار ہن۔انہاں آکھیا جو سعودی وزیر اطلاعات دا دورہ اطلاعات تے ثقافت سمیت مختلف شعبیں اچ ڈو طرفہ تعلقات دے ودھارے اچ معاون ثابت تھیسی ۔انہاں آکھیا سعودی وزیر اطلاعات وزیر اعظم پاکستان عمران خان نال ملاقات کریسن۔انہاں آکھیا جو ڈاکٹر عواد بن صالح العواد دی قیادت اچ وفد اسپیکر قومی اسمبلی، وزیر خارجہ، وزیر خزانہ اتے وزیر اطلاعات نال وی ملاقات کریسی ۔
